कानूनसंग कुनै सम्झौता गर्दिन–डिएसपि केसी

छाल खवर
इटहरी,२८ भदौ ः इलाका प्रहरी कार्यालय इटहरीमा सरुवा भएर आउने प्रहरी प्रमुखहरुले केही न केही नया योजनाहरु सार्वजनिक गर्ने गरेकाछन् ।

केही दिन अघि मात्र सरुवा भएर इटहरी आएका प्रहरी प्रमुख प्रहरी नायव उपरिक्षक (डिएसपी) अर्जुन केसीले पनि आफ्नो योजनाहरु सार्वजनिक गरेकाछन् ।

उनले कानुन विपरीत कार्य गर्ने जो सुकैलाई पनि कानुनी दायरामा ल्याउने वताउदै कानुनसंग कुनै सम्झौता नगरी काम गर्ने प्रतिवद्धता व्यक्त गरेकाछन् ।

कार्यालयमा आयोजना गरीएको पत्रकार भेटघाट तथा परिचयात्मक कार्यक्रममा केसीले यस्तो प्रतिवद्धता व्यक्त गरेका हुन ।

उनले आफू इटहरीमा रहदा राम्रो काम गरेर इटहरीवासीको मन जितेर बिदा हुनेमा बिस्वस्त रहेको उनले उल्लेख गरेकाछन् ।

इटहरी भित्र रहेका मुख्य चुनौतिका बिषयहरू अध्यन गरि अपराधिक गतिविधिलाइ हदै सम्म निर्मुल बनाउनेमा आफु कटिवद्ध रहेको पनि उनले बताए ।

इटहरीमा सरुवा भएर आउने अधिकांश प्रहरी प्रमुखहरु आर्थिक लेनदेनमा लाग्ने गरेको आरोप इटहरीवासीहरुले लगाउदै आएकाछन् ।

पछिल्लो समय इटहरी क्षेत्रमा मौलाउदै गएको लागू औषध र वेस्यावृत्ति लगायतका अपराधी गतिविधि नियन्त्रण उनको लागि चुनौति वनेको छ ।