संविधान दिवसको अवसरमा रक्तदान एकसय प्रिन्टको लक्ष्य

छाल खवर

धरान,३० भदौ ः मदन भण्डारी स्पोर्टस एकेडेमी धरान उपमहानगर कमिटीले असोज ३ गते वृहत रक्तदान कार्यक्रम सहित निशुल्क स्वास्थ्य परामर्श कार्यक्रम गर्ने भएको छ ।

संविधान दिवशको अवसरमा एकेडेमीले रक्तदान कार्यक्रमको आयोजना गर्न लागेको हो ।

कोरोना संक्रमणका कारण घोषणा गरिएको लकडाउनमा रक्तदान कार्यक्रमहरु आयोजना नहुँदा अस्पतालहरुमा रगतको अभाव हुन थालेपछि रक्तदान कार्यक्रमको आयोजना गरीएको एकेडेमीका धरान उपमहानगर अध्यक्ष प्रसान्त पाठकले जानकारी दिए ।

कार्यक्रमको आयोजना असोज ३ गते धरान स्थित लोकतान्त्रिक चौतारीमा निशुल्क स्वास्थ्य परामर्श कार्यक्रमको समेत तयारी भइरहेको एकेडेमीका धरान नगर समिति अध्यक्षले बताए ।उनले कार्यक्रमबाट १सय प्रिन्ट रगत संकलन गर्ने लक्ष्य रहेको समेत पाठकले वताए ।

कार्यक्रमको प्रमुख अतिथी नेकपा प्रदेश १ कमीटीका अध्यक्ष देवराज घिमिरे रहने उनले जानकारी दिए ।

उक्त अवसरमा वीपी कोइराला स्वास्थ्य विज्ञान प्रतिष्ठान धरानका हातेमालो फाउण्डेशनका चिकित्सकहरुबाट निशुल्क स्वास्थ्य परामर्श पनि दिइने भएको छ ।

नेपाली जनताले बनाएको संविधान जारी भएको दिनको सम्झनामा धरानको भानुचौंकमा साँझ ६ बजे दीप प्रज्वलन कार्यक्रम समेत आयोजना हुने पाठकले थप जानकारी दिएकाछन् ।