५६ बण्डल पटकासहित इटहरीबाट चारजना पक्राउ

छाल खवर
धरान,२१ कार्तिक ः तिहार नजिकिदै जादा छिमेकी मुलुक भारतबाट पटका भित्रिनेक्रम तिव्र वनेको छ ।

शुक्रवार इटहरीबाट ५६ बण्डल पटकासहित चारजनालाई प्रहरीले पक्राउ गरेको पक्राउ गरेपछि पटका भित्रिनेक्रम वढेको पुष्टि भएको छ ।

इटहरी वडा नं.८ पुष्पलाल चौकस्थित पूर्वी गैसार जाने बाटोको भित्री सडकमा प्रतिबन्धित बिष्फोटक पदार्थ पटकाहरु ल्याउँदैछन् भन्ने गोप्य सूचनाको आधारमा चारजनालाई इलाका प्रहरी कार्यालय इटहरीको टोलीले पक्राउ गरेको हो ।

प्रहरीले दिएको जानकारी अनुसार पक्राउ पर्नेमा इटहरी १३ बस्ने ३० बर्षीय रञ्जित सरदार (अटो चालक), इटहरी १२ बस्ने ३२ बर्षीया शान्ताकुमारी चौधरी, इनरुवा नगरपालिका ९ बस्ने २२ बर्षीय सतम अन्सारी र हरिनगर गाउँपालिका २ बस्ने २० बर्षीय दिनेश राम रहेका छन् ।

ईलाका प्रहरी कार्यालय इटहरीले जनाए अनुसार दक्षिण तर्फबाट आउँदै गरेको को. २२ प ३००२ नं. को मोटरसाईकल संगै रहेको को १ ह ७२६० नं। को अटो टेम्पुमा ४ वटा बोरा भित्र ५६ बण्डल नागिन लेखिएको बिष्पोटक पदार्थ (पटका) सहित पक्राउ गरिएको हो ।

चाडपर्वको समयमा अवैध सामान भित्रिने र तस्करीको घटनामा वृद्धि हुने गरेको छ ।