धरानका बैंक तथा वित्तिय संस्थाहरु बन्द

छाल खवर

धरान,३ जेठ ः भीडभाडका कारण कोरोना संक्रमण वढन सक्ने भन्दै धरान क्षेत्रका वैंकहरुको सेवा वन्द हुने भएको छ ।

प्रत्यक्ष उपस्थिति हुदा भीडभाड बढने र त्यसबाट संक्रमण बढने भएकोले बैंक तथा बितीय संस्थाहरुले सेवाग्राहीहरुलाई प्रत्यक्ष सेवा बन्द गर्ने भएको हो ।

धरानमा कोरोना संक्रमण तिब्ररुपमा फैलिदो रहेको अवस्थामा बैंक तथा वित्तीय संस्थाहरूको सेवा सुचारु हुँदा सेवाग्राहीहरुको भिडभाड भएर संक्रमणको जोखिम थप बढेपछि आज नगर प्रमुख तिलक राईको अध्यक्षतामा उपमहानगरपालिकामा बसेको बैठकले यस्तो निर्णय गरेको हो ।

कोरोना महामारीको संक्रमण दिन प्रति दिन बढ्दै गएकाले रोकथामका लागि जिल्ला प्रशासन कार्यालय सुनसरीबाट निषेधाज्ञा जारी गरेको अवस्थामा निषेधाज्ञालाई प्रभावकारी रूपमा लागु गर्न बैङ्क तथा वित्तीय संस्थाहरू सञ्चालन गर्ने सम्बन्धमा छलफल हुँदा सो निर्णय भएको हो ।

बैंकहरुमा सेवाग्राही आएर प्रत्यक्ष लिने सेवा जेठ ७ गतेसम्मको लागि बन्द गर्ने निर्णय भएको वरिष्ठ प्रशासकीय अधिकृत गणेशप्रसाद खतिवडाले जानकारी दिएकाछन ।

उनका अनुसार लकडाउन गरिए पनि बैंकहरुमा सेवा सुचारु हुँदा भिडभाड बढेको र बैंकहरु आफैले पनि जोखिम भएको भनेपछि प्रत्यक्ष दिदै आएको सेवा अहिलेलाई रोक्ने निर्णय भएको हो । इ सेवा, एटिएम सेवा भने बन्द नगरिने खतिवडाले बताए ।