सर्दु जलाधारको विषयमा प्रकाशित समाचारप्रति दुइ संस्थाको आपत्ति

छाल खवर
धरान,९ जेठ ः एक राष्ट्रिय दैनिकमा प्रकाशन भएको समाचार प्रति विभिन्न संघ संस्थाहरुले आपत्ति जनाएकाछन् ।

धरानको खानेपानीको मुहानको रुपमा रहेको सर्दु जलाधारको जग्गाको विषयमा नाम जोडेर चरित्र हत्या गर्दै ‘पत्रकारीताको खोल ओढेर समाजमा भ्रम फैलाएको आरोप समेत संघले  लगाएको छ ।

नेपाल दलित संघ धरान उपमहानगर समितिले आज एक प्रेश विज्ञप्ति जारी गर्दै धरानको सर्दु जलाधारको १ सय ८२ विघा जग्गा फिर्ता सम्बन्धि समाचारमा एक राष्ट्रिय दैनिक पत्रिकाले हुदै नभएको स्रोतको हवला दिदै व्यक्तिको चरित्र हत्या जस्तो गंभिर कार्य गरेको भन्दै घोर भत्र्सना गरेको हो ।

संघका धरान उपमहानगर समितिका सभापति गणेश परियारले सो समाचारमा नेपाली कांग्रेसका सुनसरी जिल्ला सदस्य तथा धरान फुटबल क्लबका अध्यक्ष एवं राजनैतिक, सामाजिक व्यत्तित्व किशोर राईको चरित्र हत्या गर्ने र मानमर्दन गर्ने गरी विना प्रमाण समाचार प्रकाशन गरेको आरोप लगाएकाछन् ।

‘कसैको उक्साहट र आर्थिक प्रलोभनमा परी अरुको सामाजिक मानमर्दन गर्दै सामाजिक प्रतिष्ठामा नै आँच आउने गरी यस्तो हर्कत गरेको’ विज्ञप्तिमा उल्लेख गरीएको छ ।

पत्रकारीताको खोल ओढेर पेशाको धज्जी उडाउदै समाजलाई त्रसित बनाई गलत सुचना प्रवाह गरेको’ले यस्तो खाले भ्रामक समाचारका पछि नलाग्न सर्वसाधारणमा संघले अपिल गरेको छ ।

दैनिकमा राईमाथी सर्दु जलाधारको जग्गा लिएेर विक्रि गरेको आरोप लगाईको थियो ।

त्यसैगरी धरान फुटबल क्लबले पनि क्लवको अध्यक्षको विषयमा आएको समाचारको आपत्ति जनाएको छ ।

क्लवका महासचिव प्रताप तामाङले विज्ञप्ती जारी गर्दै एन्फाका मानार्थ उपाध्यक्ष तथा एक नं. प्रदेश अध्यक्ष समेत रहेका धरान फुटबल क्लबका अध्यक्ष किशोर राई माथी लगाइएको आरोप निराधार भएको दावी गरेको छ ।

स्वच्छ पत्रकारीता गर्न आग्रह गर्दै पत्रकारीताको धज्जी उडाउने कार्य तत्काल वन्द गर्न समेत अपिल गरेको छ ।