वि केयर नेपालद्धारा विपन्नलाई खाद्यान्न वितरण

छाल खवर
धरान,२७ धरान ः वि केयर नेपाल धरानले–१६ स्थित लोकतन्त्र बस्तिका दुई बिपन्न परिवारलाई बिहिबार खाद्यान्न सामग्री बितरण गरेको छ।

लकडाउनको समयमा रोजगारी गुमाएका र दुइछाक टार्नका लागि समस्यामा परेका लोकतन्त्र वस्तिका दुइ परिवारलाई संस्थाले खाद्यान्न वितरण गरेको हो ।

संस्थाले सो बस्तिका सम्झना कट्वाल(राई) र सम्झना तामाङलाई सन्स्थाले खाद्यान्न सामग्री बितरण गरेको हो।
संस्थाका पदाधिकारीहरुले चामल, तेल ,आलु , न्युट्रेला, नुन, बेसार, दालमोठ लगायतका खाद्यान्न सामग्री बितरण गरेका थिए ।

संस्थाले यस अघि धरान–८ स्थित बुद्ध बिहारमा बस्ने भिक्षुहरुलाई पनि खाद्यान्न सामग्री बितरण गरेको अध्यक्ष अविजित ताम्राकारले जानकारी दिए ।

कोरोना माहामारीको समयमा आर्थिक संकटमा परेका बिपन्न परिवारलाई खाद्यान्न बितरण गर्दै आएको र आगामी दिनमा पनि यस कार्यलाई निरन्तरता दिने अध्यक्ष ताम्राकारले जानकारी दिएकाछन् ।