भानुचोकमा फेसन डिजाइनको सेवा शुरु

छाल खवर
धरान,१६ भाद्र ः फेसनको शहर भनेर चिनिने धरानमा फेसन डिजाइनका सेवाहरु थपिने क्रम तिव्र बनेको छ ।

धरानमा फेसन डिजाइन सम्वन्धि जानकारी दिने र सीप दिने उदेश्यले डिजाइन इन्स्टिच्युसन अफ फेसन टेक्नोलोजीको स्थापना भएको छ ।

धरानको केन्द्रविन्दु मानिने भानुचोक स्थित तमु कम्प्लेक्समा शुरु भएको सो टेक्नोलोजीमा लामो समयदेखि सोही क्षेत्रमा कार्यरत अनुभवी मनिषा राईले सञ्चालन गरेकी हुन ।

संचालक राईका अनुसार १५ लाख रुपैयाको लागतमा इन्स्टिच्युटको शुरुवात गरीएको हो ।

सचालक मनिष विगत १० वर्षदेखि फेसन डिजाइनमा काम गर्र्दै आएकीछन् । उनको यसैक्षेत्रबाट धरानमा छुट्टै पहिचान वनेको छ । मनिषाले सिटिइभिटीद्धारा मान्यता प्राप्त संस्थाबाट फेसन डिजाइनमा तेस्रो तह उर्तिण गरेकीछिन् ।

धरान फेसनेवल शहर भएर पनि यस्ता तालिम केन्द्र नभएकोले त्यस कुराको आवस्यकता महशुस गरी केन्द्र स्थापना गरीएको इन्स्टिच्युटका सह–सञ्चालक देवीन राईको भनाई रहेको छ ।

उनका अनुसार इन्स्टिच्युटमा तालिमका साथै विभिन्न फेसन सम्वन्धि कपडाहरु पनि पाइनेछ ।

सञ्चालक मनिषाले पुरुष तथा महिलाहरुलाई फेसन डिजाइन सम्वन्धि तालिम दिनुका साथै सिटिइभिटिले सञ्चालन गर्ने सवै प्रकारका तालिम समेत आफूहरुले प्रदान गर्ने जानकारी दिइन ।

उनका अनुसार फिल्म तथा म्युजिक भिडियोका लागि आवस्यक पोसाक समेत तयार गरीनेछ ।

फेसनले विकृति नभई समाजमा नया कुराको आयाम दिने मनिषाको भनाई रहेको छ ।

सो इन्स्टिच्युटको उद्घाटन नगरप्रमुख तिलक राईले गरेका थिए भने सो कार्यक्रममा वडा नं १८ का वडाध्यक्ष नरेन्द्रकुमार राई (प्रविण) लगायतको उपस्थिति रहेको थियो ।