आङ्लालाई ‘श्री गिरिराज आचार्य सिर्जनशील पत्रकारीता पुरस्कार

छाल खवर
धरान,१८ भाद्रः धरानका अग्रज पत्रकार गिरिराज आचार्यको सम्मानमा स्थापना गरिएको ‘श्री गिरिराज आचार्य सिर्जनशील पत्रकारीता पुरस्कार’बाट भैरव आङ्ला पुरस्कृत भएकाछन् ।

नेपाली कांग्रेस सुनसरीका संस्थापक सचिव समेत रहेका आचार्यको नामा नेपाली काङ्ग्रेस र नेपाल प्रेस युनियन धरान उपमहानगर समितिको सहकार्यमा आचार्यको सम्मानमा पुरस्कार स्थापना गरएिको थियो ।

आङ्लाई सम्मान पत्र सहित नगद २० हजार रुपैया नगद पुरस्कार प्रदान गरीएको थियो ।

नेपाली कांग्रेस धरान उपमहानगर सभापति तथा मेयर तिलक राईले उपमहानगरपालिकाबाट नगर प्रमुखलाई प्राप्त हुने सेवा सुविधा भत्ताको रकमबाट कुल २ लाख रुपैयाँ प्रदान गरि अक्षयकोष स्थापना गर्नु गरेका थिए ।

कार्यक्रममा प्रदेश नं. १ संसदीय दलका नेता एवं कांग्रेस सुनसरीका सभापति राजीव कोइराला, संघीय संसद मिना सुब्बा, प्रदेश एकका प्रदेशसभा सदस्य चन्द्रप्रसाद श्रेष्ठ लगायतको उपस्थिति रहेको थियो ।

नेपाल पत्रकार महासंघ सुनसरीका अध्यक्ष जनकऋषि राईले जीवीत व्यक्तिको नाममा पत्रकारिता पुरस्कार स्थापना गर्नु अत्यन्तै राम्रो पक्ष रहेको बताए ।

अग्रज पत्रकार आचार्य लामो समयदेखि पूर्वी पोष्ट साप्ताहिक पत्रिका प्रकाशित गर्दै आइरहेका छन् । कांग्रेस धरानका सचिव श्याम पोख्रेल र नेपाल पत्रकार महासंघका केन्द्रिय सदस्य ईकबाल अहमदले सम्बोधन गरेका थिए भने कार्यक्रमका सभापति समेत रहेका प्रेस यूनियन धरानका संयोजक मात्रिका प्रसाद नेपालले गरेका थिए ।