समाजसेवी श्रेष्ठद्वारा न्यानो कपडा तथा सामाग्री वितरण

छाल खवर
धरान,१५ फागुन ः सेवा गर्नको लागि धन भएर मात्र हुदैन मन पनि चाहिन्छ भन्ने उदाहरण वनेकाछन् मिनकुमार ।
मोरङको विराटनगरमा रहेर साहित्य तथा संचार क्षेत्रमा सकृय मिनकुमार श्रेष्ठले आफ्नो जन्मथलोको स्कुलमा वर्षेनी न्यानो कपडा वितरण गर्दै आएकाछन् ।

श्रेष्ठले एक कार्यक्रमका वीच वुवा र आमाको स्मृतिमा न्यानो कपडा वितरण गरेकाछन् ।

विद्यालयका प्रधानाध्यापक इश्वर लम्सालले श्री राम्चे निकेतन माध्यमिक विद्यालय इजारालाई पुर्ब विद्यार्थी समेत रहेका श्रेष्ठले वुवा गंगाबहादुर र आमा धनमाया श्रेष्ठको स्मृतिमा न्यानो कपाडा शैक्षिक सामाग्री वितरण गरेका थिए ।

साहित्य क्षेत्रमा मिनकुमार नवोदित उपमानले परिचित श्रेष्ठ विराटनगर स्थित मकालु टेलिभिजनका कार्यकारी सम्पादक हुन् ।

प्रधानाध्यापक लम्सालका अनुसार श्रेष्ठले विद्यालयका छात्र छात्राहरुलाई दुइवर्ष देखि कपडा तथा शैक्षिक सामाग्री वितरण गर्दै आएकाछन् ।

श्रेष्ठले पठाएको सो सामाग्री उनका दाजु र भतिज रेवन्त श्रेष्ठ र भतिजहरुको उपस्थितिमा वितरण गरिएको थियो ।

पूर्व विद्यार्थीबाट विद्यालयका विद्यार्थीहरुलाई गरीएको सहयोग प्रति विद्यालयले प्रसंशा समेत गरेको छ । अन्य सहयोगी दाताहरुले पनि विद्यालयलाई सहयोग गर्नको लागि प्रधानाध्यापक लम्सालले आग्रह गरेकाछन् ।