सिटीजन्सको रक्तदानमा ६० पिन्ट रक्तदान

छाल खवर
धरान,७ वैशाख ः सिटिजन्स बैंक धरान शाखाले आयोजना गरेको रक्तदान कार्यक्रममा ६० पिन्ट रगत संकलन भएको छ ।

वैंकको १५ औं वार्षिक उत्सवको अवसरमा आयोजना गरीएको सो रक्तदानमा सो संकलन भएको हो ।

धरान ९ स्थिति सिटिजन्स बैंकको प्रागणमा भएको सो कार्यकममा धरान नगरप्रमुख तिलक राई प्रमुख अतिथि रहेका थिए । उत्साह जनक रुपमा रहेको र अपेक्षा गरेभन्दा वढी संकलन गर्न सफल वनेको शाखा प्रमुख तोर्ण बहादुर कार्कीले बताए।

कार्यक्रममा सिटिजन्स बैंक प्रदेश नं १ का प्रमुख प्रदिप सेडाईले बैंकले सामाजिक उत्तरदायित्व पुरा गर्न बैंक अग्रसर रहेको बताए।

कार्यक्रममा गरिमा बिकास बैकका प्रदेश प्रमुख मिन सुवेदी, धरान जेसीजका अध्यक्ष प्रतिक श्रेष्ठ, नेपाल पत्रकार महासंघ सुनसरीका पूर्व अध्यक्ष केषव घिमिरे लगायत धरान स्थित बैंकहरुका प्रवन्धकहरु लगायतको बाक्लो उपस्थिति रहेको थियो।