छाल खवर
धरान,१५ असोज ः पानबारी खानेपानी उपभोक्ता तथा सरसफाइ संस्था धरान–६ को निर्वाचनमा दललाई चुनौति दिदै स्वतन्त्र उम्मेद्वारहरु विजयी वनेकाछन् ।
स्वतन्त्रका उम्मेद्वारहरुले ४ दलीय गठबन्धनका साझा उम्मेद्वारहरुलाई पराजित गरेका हुन् ।
नेकपा एमाले, नेपाली काँग्रेस, माओवादी केन्द्र र जनता समाजवादी पार्टी नेतृत्वको गठबन्धन पराजित भएको हो ।
गठवन्धनको समूहबाट कोषाध्यक्ष बाहेक अन्य सवै पदमा परिणाम निकाल्न सकेन ।
स्वतन्त्र उम्मेदवार समीर खनालले दलीय गठबन्धनबाट अध्यक्षका उम्मेदवार विश्वराज कार्कीलाई पराजित गरेका थिए ।
त्यसैगरी उपाध्यक्ष,सचिव, सहसचिव पदमा स्तवन्त्रबाट क्रमस शुक्रराज राई,पदम बहादुर पौडेल, कृष्ण बहादुर विष्ट विजयी भए भने कोषाध्यक्षमा दलीय गठवन्धनबाट काँग्रेसको तर्फबाट उम्मेद्वार वनेकी झुमा राई निर्वाचित भइन् ।
सदस्यहरूमा स्वतन्त्र समूहकै सुमन खनाल, प्रकाश तामाङ,निता विश्वकर्मा र रती तामाङ, विजयी भएका हुन् ।
सो वडामा स्थानीय निर्वाचनमा पनि भूपेन्द्र भट्टराई स्वतन्त्रबाट वडाध्यक्ष निर्वाचित भएका थिए । उनकै समर्थनमा सो निर्वाचनमा स्वतन्त्र समूह निर्वाचन लडेको थियो ।
चुनावी गठबन्धनमा एमालेले अध्यक्ष, माओवादीले उपाध्यक्ष र सचिव र काँग्रेसले कोषाध्यक्षमा भागबण्डा मिलाइएको थियो । सो खानेपानी संस्थाबाट २४ सय घरधुरी लाभान्वित भएको वडाध्यक्ष भट्टराईले जानकारी दिए ।
पछिल्लो समय धरानमा स्वतन्त्रको माहौला तयार हुदै गएको छ । यस्ता आयोजनाहरुमा पनि दल विरुद्ध स्वतन्त्रले बाजी मार्नुले पनि स्वतन्त्रको पक्षमा मंसिर ४को निर्वााचनको माहौल निर्माण हुने संकेत गरेको केहीको भनाई रहेको छ ।
Copyright © 2020 / 2025 - Chhalkhabar.com All rights reserved
Website By : Hash Tech Logic
