मिलेर अघि वढन प्रतिनिधि सभाका माननीय अशोक राईको सुझाव

छाल खवर
धरान, २० पुषः सुनसरी क्षेत्र नं १ का प्रतिनिधि सभा सदस्य माननीय अशोक कुमार राईले धरानको विकासका लागि मिलेर अघि वढन सुझाव दिएकाछन् ।

बुधवारबाट शुरु भएको १ सय २१औं स्थापना दिवसका अवसरमा आयोजित तीन दिने धरान उत्सवको उद्घाटन गर्दै राईले सो कुरा वताएका हुन् ।

कार्यक्रममा वोल्दै राईले निर्वाचन परिणाम लोकतान्त्रिक विधि मात्र भएको र वढी मत ल्याउनेलाई कामको जिम्मेवारी हुने मात्र भएको वताउदै समाज विकासका लागि सवैको उत्तिकै दायित्व भएको उल्लेख गरेका थिए ।

धरानको विकासका लागि आफूले सक्दो पहल गर्ने वताउदै सुनसरी क्षेत्र नं १ को विकासका लागि काम गर्ने जिम्मेवारी आफूले पाएको मात्र दावी गरे ।

उनले कुनै पनि विकास एक्लै गरेर संभव नहुने वताउदै सवै एक भएर अघि वढनु पर्नेमा जोड दिएका छन् ।

त्यसैगरी सुनसरी क्षेत्र नं १ क का प्रदेश सभा सदस्य माननीय रमेश कुमार वस्नेतले धरानको विकासका लागि सवै एक भएर अघि वढनुपर्नेमा जोडदिएका थिए ।

त्यसैगरी कार्यक्रममा वोल्दै नेपाली कांग्रेसका धरान नगर सभापति श्याम पोख्रेलले धरानको विकासका लागि सवैको सहकार्य अपरीहार्य रहेको वताए ।

पव्लिक हाइस्कुलको मैदानमा शुरु भएको तीन दिने धरान उत्सवमा विभिन्न परिकारका सामाग्रीहरुको स्टल तथा औद्योगिक सामाग्रीहरुको स्टल राखिएको छ ।

धरान उत्सवका अवसरमा स्थानीय जातीय संघ संस्था, विद्यालय, खेलकुदका संघसंस्था र्यालीमा सहभागी छन् ।

धरान ७ को स्व. भुपेन्द्र राज मोक्तान स्मृती जेष्ठ नागरिक पार्क धरान डे को अवसरमा मेयर हर्क साम्पाङ्गबाट उद्घाटन भएको थियो ।