फोहोर व्यवस्थापन हुन नसक्दा सर्वसाधारणलाई सास्ती

छाल खवर

धरान,२८ पुष ः धरान पुर्वको मात्रै नभई नेपालकै सुन्दर र सफा शहरको रुपमा परिचित छ तर यहाँको सडकमा ड्रेन नहुदा स्थानीयले सास्ती व्यहोर्नुपरेको छ । नालामा ड्रेन नहुदा सर्वसाधरणले बाटोमा हिड्न बाध्य छन् । बाटोमा हिड्दा सडक दुद्र्यटनाको जोखिम समेत बढ्दै गएको छ ।

साघुरो बाटो , सडक जाम त्यहि माथि जाथाभावी पार्किङको सास्तिले स्थानिय वाक्कदिक्क भएका छन् । नाला भए पनि नालामा डे्रन छैन जसको प्रत्यक्ष असर व्यवसायि र सर्वसाधरणलार्ई परेको छ । पानीले केही बगाउँदा खाली देखिएको उप–महानगरपालिका भित्रको मुख्य नाला १ बर्ष नपुग्दै फोहोरले पुनः भरिएको छ । फोहोरका कारण नालामा बग्ने पानी थुनिएको छ ।

दैनिक बजार क्षेत्रबाट आवात–जावत गर्ने नागरिकले नालाको अवस्था हेर्दै नाक खुम्च्याउँछन् तर, सफा र स्वच्छ नगरको नारा लगाउँदै आएको उप–महानगरपालिका कार्यालयले नालामा भरिएको फोहोर उठाउने विषयमा कुनै पहल थालेको देखिँदैन । नाला फोहोरले भरिएर दुर्गन्धित छ नालामा ड्रेन समेत छैन ।

धरानको मुख्य बजार पुतलीलाईन सडकजामले हिड्न समेत समस्या हुन्छ । त्यहि माथि नालामा ड्रेन समेत छैन जस्को कारण सर्वसाधारणलाई बजारमा आउन समेत जोखिम मोलेर हिड्नु बाध्यता हुन्छ । ड्रेन नभएको कारण र ड्रेन भएको स्थानमा समेत गाडि पार्किङ गरेर राखिएको हुन्छ । सो पार्किङ गर्ने अवस्थामा ड्रेनको कारण गाडि नालामामै फसेको हुन्छ ।

धरानको समृद्धि सपना बुन्ने तर सबैभन्दा धेरै फोहोर उत्पादन गर्ने व्यवसायीले पनि यसको जिम्मेवारी लिन चाहेका छैनन् फोहोरले नाला थुनिँदा पानी जमेको छ । साथै होटलका भान्साबाट निस्किएका कच्चा पदार्थ नालामै थुनिँदा नगरक्षेत्रभित्र दुर्गन्ध फैलिएको छ ।

दैनिक रुपमा फोहोर उठाउनका लागि नगरपालिकाले कर्मचारी खटाएपनि उनीहरुले मुख्य सडक छेउको फोहोर उठाउने बाहेक अन्य कुनै काम गर्न सकेका छैनन् ।

स्थानीय निकायले चासो नदिदा नालीको फोहोर गनाएर हिडडुल गर्न समेत समस्या भएको स्थानीय मनोज कार्कीले वताए ।

उप–महानगरको मुख्य सडक क्षेत्रभित्रको अवस्था हेरिनसक्नु छ। व्यवसायिका पसलबाट निस्केका कागज र होटल व्यवसायीका फोहोर नालामै मिसाउनाले भित्री क्षेत्रमा दुर्गन्ध फैलिएको नागरिकको गुनासो छ ।

निर्वाचित भएपछि उप–महानगरको फोहोर हटाउँदै स्वच्छ बनाउने नारा लगाएका जनप्रतिनिधिले अहिलेसम्म भित्री क्षेत्रका नालामा जम्मा भएको सयौं क्वीन्टल फोहोरको व्यवस्थापनका विषयमा कुनै योजना सार्वजनिक गरेका छैनन् ।

एक तथ्यांक अनुसार धरान उप–महानगरपालिका भित्र दैनिक ४० टन भन्दाबढी फोहर उत्पादन हुन्छ । फोहोरको उत्पादनबाट बायोम्याट्रिक ग्यास उत्पादन हुन्छ । धरानको फोहोर गुनासोको विषयमात्रै हैन आम्दानीको श्रोत पनि हो ।