गोधुली फुटवलमा ५ नं वडाको विजयी शुरुवात

छाल खवर
धरान,३० पुषः धरानमा शनिवारबाट सुरु भएको २३ औं टुबोर्ग गोधुली फुटबल रनिङ कपमा ५ नं. वडाले विजयी सुरुवात गरेको छ ।

५ नं. वडाले गत संस्करणको फाइनललिष्ट टोली १३ नं.वडालाई २–० गोल अन्तरले पराजित गर्दै विजयी शुरुवात गरेको हो ।

प्रतियोगिताको उपाधी दाबेदार मानिएको १३ नं.वडा पहिलो खेलमा पराजित भएसँग प्रतियोगिताबाट बाहिरिएको छ ।
वडा नं. ५ का लागी साजन लिम्बूले दुवै गोल गरेका थिए ।

उनले खेलको १८ औं मिनेट र दोस्रो हाफको २५ औं मिनेटमा गोल गरेका थिए .

लिम्वु खेलको म्यान अफ द म्याच समेत घोषित भएसँगै नगद १५ सय सहित मेडल पुरस्कार समेत प्रदान गरिएको थियो ।

प्रतियोगिताको बिजेताले नगद १ लाख ५० हजार, उपबिजेताले नगद ७५ हजार र विधागत उत्कृष्टले नगद ५ हजार पुरस्कार प्राप्त गर्नेछन् ।

भोलीको खेल दिउसो ठिक ३ बजे धरान–१४ र धरान–२ बिच हुने आयोजक गोधुली क्लबका उपाध्यक्ष सतिस केसीले जानकारी दिएकाछन् ।

गोधुलीले निरन्तर रुपमा प्रतियोगिता गराउदै आएको छ ।