स्कुललाई सहयोग गर्दै पूर्व विद्यार्थीद्धारा शुभकामना आदान प्रदान सम्पन्न

खेमबहादुर माझी
धरान,९ वैशाख ः धरान–१६ स्थित भगवति आधारभूत विद्यालयका पूर्व विद्यार्थीहरुको संगठन भगवति मिडिल स्कुल एलुम्नाई एशोसिएशनले नव वर्षको अवसरमा शुभकामना आदान प्रदान सम्पन्न गरेको छ ।

 स्कुलको हलमा शनिवार आयोजित कार्यक्रममा पूर्व विद्यार्थीहरुको उपस्थिति रहेको थियो ।

पूर्व विद्यार्थी उद्धव श्रेष्ठको अध्यक्षतामा भएको सो कार्यक्रममा वरिष्ठ समाजसेवी अधिवक्ता विश्वनाथ वास्तोला प्रमुख अतिथि रहेका थिए ।

कार्यक्रममा २०१० सालमा विद्यालय स्थापना हुदा पहिलो भर्ना भएका विद्यार्थीहरु पूर्व माननीय हरीनाथ वास्तोला, पूर्व माननीय कुन्ता शर्मा, हरीप्यारा श्रेष्ठ, डा.नविन नेपाल, टोमप्रसाद आचार्य,  गोपाल वाग्ले,हरीकृष्ण आचार्यलाई सम्मान गरीएको थियो ।

सो कार्यक्रममा नविन नेपाल,हरीप्यारा श्रेष्ठ, वलराम मानन्धर, आइतीमाया तामाङ,अजुर्न वस्नेत, शिवकुमार भण्डारी, लगायतले शुभकामना मन्तव्य व्यक्त गरेका थिए ।

कार्यक्रममा पूर्व विद्यार्थी लिला श्रेष्ठले स्कुललाई नगद २१ हजार हस्तान्तरण गरेकी थिइन भने पूर्व विद्यार्थी रुद्र वास्तोला परिवारबाट स्कुललाई १ सय ५० थान कापी र १सय ५० थान डटपेन हस्तान्तरण गरेका थिए ।

कार्यक्रममा वर्तमान प्रधानाध्यापक अच्चुत पराजुली, पूर्व प्रधानाध्यापकहरु पदम बहादुर श्रेष्ठको उपस्थिति रहेको थियो ।

सो कार्यक्रममा पूर्व शिक्षक अम्विका सुवेदी,सुशिला श्रेष्ठ, विमला श्रेष्ठको उपस्थिति रहेको थियो भने कार्यक्रम संचालन विद्यालय व्यवस्थापन समितिका अध्यक्ष सुनिल नेपालले संचालन गरेका थिए ।