छाल खवर
धरान,८ भदौं ः धरानमा विगत केही दिनदेखि चर्किदै गएको धार्मिक तथा साम्प्रादायिक विवाद अन्तत निषेधाज्ञा जारी हुने अवस्थासम्म पुगेको छ ।
धार्मिक, साम्प्रदायिक विवादले एक पछि अर्को गरेर सद्भाव खलबलिने स्थिति बनेपछि जिल्ला प्रशासन कार्यालयले आज मध्यरातीदेखि लागु हुने गरि निषेधाज्ञा जारी गर्नुपर्ने अवस्थासम्म पुगेको हो ।
सुनसरीका प्रमुख जिल्ला अधिकारी हुमकला पाण्डेले सुचना जारी गरी शुक्रवार राती १२ बजेदेखि शनिबार मध्यराती १२ बजेसम्मको लागि निषेधाज्ञा जारी गरेकी जनाएकीछिन ।
सो समयभित्र धरानमा अत्यावश्यक काममा सुरक्षा निकायसँग समन्वय गरीबाहेक कुनै पनि कार्यक्रमहरु नगर्न, नगराउन प्रशासनले निषेधाज्ञा जारी गरेको छ ।
प्रशासनले धरान प्रवेश गर्ने चारैतिरको नाकासमेतलाई समेटेर धरानको सबै वडामा निषेधाज्ञा जारी गरेको हो ।
धरान प्रवेश गर्ने पश्चिम बाटो बराहक्षेत्र नगरपालिका १ पर्ने झण्डाचोकदेखि धरानतर्फको क्षेत्र, धरान प्रवेश गर्ने पश्चिम रामधुनी नगरपालिका ६ नम्बरबाट बराहक्षेत्र नगरपालिका ३ नडाहा चोकबाट धरानतर्फ पनि निषेधाज्ञा जारी गरेको सुचनामा उल्लेख गरीएकोछ ।
यस्तै, इटहरी वडा नं २० पर्ने तरहरा पानीपियादेखि उत्तर धरानतर्फको क्षेत्र, धरान वडा नं ५ प्रवेश गर्ने पुर्वी केराबारीबाट धरानतर्फको क्षेत्र र धनकुटाको साँगरीगढी गाउँपालिका ६ भेडेटारबाट धरानतर्फको क्षेत्रमा निषेधाज्ञा जारी भएको प्रजिअ पाण्डेद्धारा जारी सुचनामा सुचित गरीएको छ ।
आदेश विपरीत भएमा वा अटेर गरेमा स्थानीय प्रशासन ऐन २०२८ अनुसार कारबाही हुने पनि उल्लेख छ ।
धरानमा हिन्दुवादीहरुले भोली शनिवार गौहत्याको विरुद्ध शक्ति प्रदर्शनको तयारीको घोषणा गरेका थिए भने सास्कृतिक अधिकार समितिले त्यसलाई प्रतिकार गर्ने वताउदै आएका थिए । संभावति दुर्घटनालाई मध्यनजर गरी प्रशासनले निषेधाज्ञा लगाएको हो ।
शुक्रवार धरानमा संयमितता अपनाउन भन्दै सर्वदलीय सर्वजातिय सद्भाव ¥याली समेत निकालिएको थियो ।
Copyright © 2020 / 2025 - Chhalkhabar.com All rights reserved
Website By : Hash Tech Logic
