अनि ऊ मरिन

उसले आत्महत्या गर्ने सोच्यो
आफ्नो अस्मिता लुटिए पछि
बिना गल्ती समाजले उसलाई
तिरस्कार गरेपछि
न्यायको लागि कानुनसग
उल्टै हार भएपछि ।
उसले मृत्यु रोज्ने सोच्यो
बलात्कृत केटीको
नाम पाएपछि
समाजमा शिर उठाएर
हिडन गाह्रो भएपछि
अनि अपराधीलाई कानुनले
स्वतन्त्र छोड्दिएपछि ।
उसले मर्ने सोच्यो
आमाबाबु पनि आफ्नो कारण
समाजमा अपहेलित भएपछि
आफु पीडित हुदाहुदै
उल्टै दुनियाँले उसको कुरा काटेपछि ।
साथिभाई सबै टाढिए
आफु लुटिए पछि
आफ्नो आफन्त सबै छुटिए
साथ चाहिएपछि
उसले आत्महत्या गर्ने सोच्यो
एक्लै परेपछि ।
तर उ मरिन
बिग्रिएको भुतलाई बिर्सिएर
अबुझ समाज र न्याय नपाइने कानुनको
अगाडि वर्तमानको संघर्षले
भबिष्यमा आफ्नो नया परिचय
दिने अठोट गरेपछि ।

ममिता राई
धरान पटनाली