सुच्चा राईद्धारा साकेला पर्वको अवसरमा स्वास्थ्य शिविर

छाल खवर
धरान,४ जेठः सुच्चा राई कल्याण समाजले साकेला उभौली पर्वको अवसरमा निःशुल्क स्वास्थ्य शिविर सम्पन्न गरेको छ ।

राई समुदायभित्रको एक विशेष शाखा किरात सुच्चा राईले पञ्चमी तिथिमा पितृको सम्झनामा थान पूजा गरी धार्मिक विधिअनुसार पर्व मनाउदै सो अवसरमा स्वास्थ्य शिविर सम्पन्न गरेको हो ।

धरान–११ मा रहेको सुच्चा राई कल्याण समाजको भवन परिसरमा सामूहिक पूजा आयोजना गर्दै आफ्ना सुच्चा पितृलाई सम्झेका थिए ।

सुच्चा राई कल्याणकारी समाजको संयोजनमा तथा धरान सिटी हस्पिटलको प्राविधिक सहकार्यमा एकदिने निःशुल्क स्वास्थ्य शिविरसमेत सञ्चालन गरिएको थियो ।

शिविरमा सुगर, प्रेसर, थाइराइड, बालरोग र स्त्रीरोग सम्बन्धी जाँच तथा निशुल्क औषधि वितरण गरिएको थियो । शिविरबाट करिव १सय जनाले स्वास्थ्य सेवाको लाभ लिएका थिए ।

ढुगा र रुखको थानमा ‘होमेबाजे’ ९पुजारी बाजे० द्वारा विधिपूर्वक पूजाआजा गरि २ सय भन्दा बढी कुखुराको बलि दिदै आफ्ना पितृहरुलाई सम्झदै पुजा गरेका हुन् । धरान लगायत विभिन्न जिल्लाका करिब ३ सय ८० जना सुच्चा राई परिवारको उपस्थिति रहेको थियो ।

जमिन्दार र जमिन्दार्नीलाई पुकारेर बाली–नाली सप्रियोस् भनी कामना गर्ने परम्परागत विधिहरू पालना गर्दै आर्शिवाद लिएको समाजका उपाध्यक्ष विनोश राईले जानकारी दिए ।

धरानमा सुच्चा राईका करिब २ सय घरधुरी रहेको छ भने नेपालभर करिब ५ हजार घरपरिवार रहेको समाजका उपाध्यक्ष विनोश राईको भनाई रहेको छ ।

कार्यक्रममा कोशी प्रदेश सभा सदस्यद्वय रमेश कुमार बस्नेत, र विजय कुमार राई लगायतको उपस्थिति रहेको थियो ।
कार्यक्रमको संचालन समाजका अध्यक्ष बिनोद राईले संचालन गरेका थिए