भारत सरकारद्वारा ३३ जिल्लामा ४० वटा एम्बुलेन्स हस्तान्तरण

  • असार ३, २०८२
  • ४०७ पटक पढिएको
  • छाल खबर
alt

छाल खवर
धरान,१ असार ः भारत सरकारले नेपालका ३३ जिल्लामा ४० वटा एम्वुलेन्स उपहार स्वरुप हस्तान्तरण गरेको छ ।

नेपालस्थित भारतीय राजदुतावासद्वारा नेपाल–भारत विकास साझेदारी कार्यक्रम अन्तर्गत शनिवार नेपालका सातवटै प्रदेशका ३३ वटा जिल्लाहरुलाई समेट्दै ४० वटा एम्बुलेन्स प्रदान गरेको हो ।

भारत सरकारले स्वास्थ्यका उच्च प्रभाव क्षेत्रको पहिचान गरी, स्वास्थ्य क्षेत्रको सुदृढिकरणमा सहयोग पु¥याउने उद्देश्यले देशका विभिन्न स्वास्थ्य केन्द्र र स्थानीय निकायहरुलाई एम्बुलेन्स उपहार स्वरुप प्रदान गरेको थियो ।

भारतीय राजदुतावास पेन्सन वितरण कार्यालय धरानका प्रभारी अधिकारी मेजर भरत कनौजियाले कोशी प्रदेशका ४ वटा जिल्लाका स्थानीय निकाय तथा स्वास्थ्य चौकीहरुलाई चार वटा एम्बुलेन्स हस्तान्तरण गर्नुभएको थियो ।

कनौजियाले उदयपुर जिल्लाको चौदण्डीगढी नगरपालिका,तेह्रथुमको म्याग्लुङ नगरपालिकास्थित आमबुङ स्वास्थ्य चौकी, संखुवासभा जिल्लाको चिचिला गाउँपालिकाको अस्पताल, र सोलुखुम्बुको महाकुलुङ आधारभूत अस्पताललाई एम्बुलेन्सका चाबी हस्तान्तरण गर्नुभएको थियो ।

चाबी हस्तान्तरण पश्चात वोल्दै प्रभारी अधिकारी मेजर कनौजियाले नेपाल र भारत बीचको सम्बन्ध ऐतिहासिक, साँस्कृतिक, सामाजिक र आर्थिक पक्षमा अत्यन्तै गहिरो र विशेष मित्रवत रहेको बताउनु भयो ।

उहाँले मित्रवत सम्बन्धलाई अझ सुदृढ बनाउने क्रममा भारत सरकारले नेपाललाई प्रदान गरेको आर्थिक र जिन्सी सहयोग प्रशंसनीय रहेको उल्लेख गर्नुभयो ।

उहाँले सहयोगको पूर्ण र प्रभावकारीताका साथ सदुपयोग हुने आशा र भरोसा रहेको समेत वताउनुभयो ।

नेपाल र भारत भिन्न भिन्न राष्ट्र भएपनि दुई देश बीचको सम्बन्ध अत्यन्तै गहिरो, आत्मीय र आपसी सम्मानमा आधारित मात्र नभएर दुइवीच रोटी बेटीको सम्बन्ध छ र यो केवल राजनैतिक वा भौगोलिक निकटता नभई आम जनमानसबीचको सम्बन्ध भएको पनि वताउनु भयो ।

आजसम्म नेपालका विभिन्न शैक्षिक संस्थाहरुलाई ३ सय वटा स्कुल बस उपहार स्वरुप प्रदान गरिएको छ ।

सुनाखरी एकेडेमीका नयाँ विद्यार्थीलाई स्वागत

छाल खवर धरान,१३ भाद्रः सुनाखरी एकेडेमी धरान–१२ मा कक्षा–११ मा भ ...

सिटी कलेजकी स्मिता विविएस चौथो वर्षमा सुनसरी प्

छाल खवर धरान,९ भाद्रः धरान सिटी कलेजकी स्मिता तामाङ्ग सुनसरी जिल्ला कै उत्क ...

सिङ्गिङ च्यालेन्जमा १८ जना फाइनल प्रवेश

छाल खवर धरान,८भाद्रः ¥याडिकल लाइट नेपाल प्रा.लिको आयोजना भएको “धर ...

धरानमा पहिलो पटक तिज क्विन

छाल खवर धरान,५भाद्र ः विवाहित महिलाहरुको वौद्धिकतालाई प्रतिष्पर्धा मार्फत न ...

प्रतिशोध लिन गौर हत्याकाण्ड विउत्याउन खोजेको जस

छाल खवर धरान,५ भाद्रः जनता समाजवादी पार्टी नेपाल धरान नगर समितिले सरकारसँग ...

गणेश इशारा राईको कमेडी शो गाईघाटमा सम्पन्न

छाल खवर धरान, ३ भदौ ः हास्य कलाकार गणेश इसारा राईको “अल नेपाल १७औं एक ...

Copyright © 2020 / 2025 - Chhalkhabar.com All rights reserved

Website By : Hash Tech Logic