हलो जोत्न थाले पूर्वसभामुख महरा राजनीतिबाट कृषि क्षेत्रमा

रोल्पा/ पूर्व सभामुख कृष्णबहादुर महरा यतिवेला गाउमा कृषि कार्यमा व्यस्त रहेकाछन् ।

कोरोना संक्रमण नफैलियोस् भन्दै सरकारले लगाएको लकडाउनका बेला आफ्नो पुर्खौली घर रोल्पामा पुगेका महराले हलो जोतेको तस्बिर सार्वजनिक गरेकाछन् ।

अहिले उनी आफ्नो बारी जोत्ने खन्ने काममा तल्लिन रहेकाछन् । ‘अहिले खेतिपातीको कामका लागि परिवारका सबै सदस्य आफ्नो पुर्खौली घर आएकको उनको भनाई रहेको छ ।

जनताबाट चुनिएर गएका व्यक्तिहरु र जनताको जिवनशैली मा फरकपन आउनु नहुने महराको भनाई रहेको छ । ‘जिम्मेवारी अनुसार जुनसुकै काम पनि गर्न सक्नुपर्छ ।

कोरोना भाइरसका कारण विश्वको अर्थतन्त्र तहसनहस भइरहेको उल्लेख गर्दै पूर्व अर्थमन्त्री समेत रहेका महराले नेपालले कृषि उत्पादनलाई बढाउनुपर्नेमा जोड दिए। ‘हामी कृषिमा आत्मनिर्भर हुनैपर्छ, नेपाललाई परनिर्भरमुखी अर्थतन्त्रबाट आत्मनिर्भर बनाउने प्रमुख आधार भनेकै कृषि उत्पादन हो । (रेडियो एनआरएनबार्ट)