लकडाउनको नयाँ मोडालिटी घोषणा गर्ने सरकारीको तयारी मन्त्रि परिषद वैठक वस्दै

छाल खवर
जेठ २८
काठमाडौं । सरकारले लक डाउनको नयाँ मोडालिटी तय गरेर जनजीवन सहज बनाउने तयारी गरेको छ ।
बुधवार दिउँसो बस्ने मन्त्रिपरिषद बैठकले आगामी लकडाउनको ढाँचा टुंगो लगाउने भएको हो ।
जनस्तरबाट लकडाउनको मोडालिटिको विरोध हुन थालेपछि सरकारले परिवर्तन गर्न लागेको हो ।
बैठकमा लकडाउनको नयाँ मोडालिटी, जनस्वास्थ्य संकटकाल लगायतका विषयमा आवश्यक निर्णय हुने बुझिएको छ । यसअघि उपप्रधानमन्त्री ईश्वर पोखरेलको नेतृत्वको कोभिड १९ (कोरोना भाइरस) रोकथाम तथा नियन्त्रण उच्चस्तरीय समितिले लकडाउन खुकुलो बनाउने प्रस्ताव तयार पारेर मन्त्रिपरिषदमा वुझाएको थियो ।
दुई हप्ताको एक चरण गरी पाँच चरणमा लकडाउन क्रमशः खुकुलो बनाउने प्रस्ताव मन्त्रिपरिषदमा पुगेको हो । उक्त प्रस्तावमाथि आवश्यक छलफल गरेर नयाँ मोडालिटी घोषणा गर्ने तयारी सरकारको छ । कोरोना भाइरस नियन्त्रणका लागि सरकारले लकडाउन जारी गरेको आगामी असार ११ गते तीन महिना पुग्दैछ ।
जारी लकडाउन जेठ ३२ गतेसम्म रहेको छ ।