भोजपुरका २२ पसललाई कारोवारमा रोक

छाल खवर
जेठ २८
जिल्ला प्रशासन कार्यालय भोजपुरले लकडाउनको समयमा म्याद गुज्रिएका सामग्री विक्री गर्ने खाद्य पसललाई बन्द गर्न निर्देशन दिएको छ ।
जिल्लाका विभिन्न स्थानमा रहेका पसलहरुको छड्ने अनुगमन गर्दा उपभोक्ताले गुनासो गरे अनुसार म्याद गुज्रिएका बस्तु फेला परेपछि विक्रि वितरण रोक्न निर्देशन दिइएको हो ।
भोजपुरमा अखाद्य बस्तुको विक्री वितरण गर्ने पसलहरुलाई तत्काललाई विक्री वितरणमा रोक लगाइएको जिल्ला प्रशासन कार्यालयले जनाएको छ ।
भोजपुरको दावा बलौटेमा रहेको यमुना स्टोर,लक्ष्मी किराना पसल, सदरमुकामा रहेका विद्याधारी किराना पसल,कान्तिपुर किराना पसल, विमार्ट, लगायत २२ वटा पसलको तत्काललाई विक्रीमा रोक लगाएको हो ।
सो पसलहरुमा विक्रिका लागि राखिएका चामल, दाल, तेल, लगायत सामाग्रीमा उपभोग्य मिति, उत्पादन मिति लगायत फेला नपरेपछि बन्द गरिएको सहायक प्रमुख जिल्ला अधिकारी रामप्रसाद लुईटेलको भनाई रहेको छ ।
म्याद गुज्रिएको विक्री गरेमा ५० हजार सम्म जरीवाना र ५ वर्ष सम्म जेल सजाय हुन सक्ने खाद्य प्रविधि तथा गुण नियन्त्रण डिभिजन कार्यालय धनकुटाका प्रमुख शिवशंकर मिश्रले बताए ।