विप्लवका कार्यकर्ता पक्राउ अध्यक्षको कार्यकक्षमा वम राखेको आरोप

छाल खवर
जेठ,२८
धरान, उदयपुर जिल्लाको लिम्चुङबुङ गाउँपालिकामा बम राखेको आरोपमा नेत्र विक्रम चन्दका कार्यकर्ता पक्राउ परेकाछन् ।
गाउपालिका अध्यक्ष मेजर कुमार राईको कार्यकक्ष नजिक बम राखेको आरोपमा एक जना कार्यकर्ता पक्राउ परेका हुन ।
उदयपुरगढी गाउँपालिका २ बर्रेका ४५ वर्षिय गोपाल तामाङलाई मंगलबार प्रहरीले पक्राउ गरेको हो ।
गत माघ १३ गते गाउँपालिका अध्यक्ष राईको कार्यकक्ष नजिक बम राखेको आरोप उनलाई लागेको छ ।
राज्य विरुद्धको अपराध र लिम्चुङबुङ गाउँपालिकाको कार्यालयमा बम राखेको अनुसन्धानबाट खुलेको हुनाले तामाङलाई पक्राउ गरेको जिल्ला प्रहरी कार्यालय उदयपुरका एसपी बीरबहादुर बुढामगरले जानकारी दिए । तामाङलाई उनकै घरबाट पक्राउ गरेको एसपी मगरले जानकारी दिए ।
तामाङले पालिका स्तरका योजनाहरु र जनप्रतिनिधिहरु लगायतसँग चन्दा असुलीमा नाम जोडिएको नाम नबताउने सर्तमा एक जनप्रतिनिधिले जानकारी दिए ।