प्रहरी कार्यालयमा तीन बोरा चाबी

छाल खवर
३१ जेठ
धरान – बाँके जिल्लाको विभिन्न स्थानबाट प्रहरीले लकडाउन अवधिमा खोसेको मोटरसाइकल, स्कुटीको चाबी प्रहरी कार्यालयमा थुप्रिएको छ ।
लक डाउन शुरु भएको दिनदेखि हालसम्म पनि मोटरसाइकल र स्कुटीको चावी प्रहरी कार्यालयमा सम्वन्धित व्यक्ति लिन नआएपछि प्रहरी कार्यालय मै थुप्रिएको हो । चैत्र ११ गतेदेखि लकडाउन भएपछि त्यसलाई कडाई गर्ने क्रममा प्रहरीले अटेरीको मोटरसाइकल र स्कुटीको चाबी खोसोको थियो ।
अहिले वडा कार्यालय, नेपालगञ्जमा तीन बोरा चाबी थुप्रिएको छ । सवारी चालकहरु आफ्ना चाबी लिन आइरहेका छैनन् ।
वडा प्रहरी कार्यालय, नेपालगञ्जका इन्चार्ज हरि बस्नेतले चाबी लिन फाटफुट आइरहेको बताए । उनले लिन आएका व्यक्तिलाई चाबी दिएर पठाउने गरेको जानकारी दिए ।
प्रहरी कार्यालयमा चाबी थन्किएपनि सवारी साधन त चलेकै छ । किनभने, सबैले दोस्रो चाबी बनाएका छन् । नेपालगञ्जको सडकमा पछिल्लो पटक प्रहरीले सवारी साधन रोकेर चाबी लिएर हिडेपनि केहीबेरमा सडकमा मोटरसाइकल देखिदैनथे ।

सबैले दुई वटा चाबी लिएर हिँड्ने गरेका थिए । प्रहरीले चाबी थुतेर जान्छ, अर्को चाबीले मोटरसाइकल स्टार्ट गरेर सवारी चालक आफ्नो गन्तब्यतिर जाने गर्दथे ।
मन्त्रीपरिषद्को पछिल्लो बैठकको निर्णयपछि जिल्लामा चाबी थुत्न छोडिएको छ ।