देशको हितमा एक कदम अघि बढ्यो सरकार– विप्लव

छाल खवर
३२ जेठ
काठमाडौँ – प्रतिवन्धित रुपमा रहेको नेपाल कम्युनिष्ट पार्टीका महासचिव नेत्र विक्रम चन्द ‘विप्लव’ ले अतिक्रमित भूभाग समेटिएको नेपालको नक्सा संसदबाट पास गरेर सरकारले साहसिक कदम चालेको वताउनु भएको छ । आइतवार एक वक्तव्य जारी गर्दै विप्लवले सरकार देशको हितमा एक कदम अघि बढेको बताउनु भएको छ ।
जनमत र संघर्षको दबाबमा परेर वर्तमान सरकार अतिक्रमित भूभागहरुको नक्सा संसदबाट पास गर्न बाध्य भएको दावी समेत उहाले गर्नुभएको छ ।
‘भारतले नेपालका लिम्पियाधुरा, लिपुलेक, कालापानी ५८ वर्षदेखि आफ्नो कब्जामा राखेको छ । त्यसविरुद्ध नेपाली देशभक्त जनता, विज्ञ, बुद्धिजीवी, क्रान्तिकारी शक्तिहरुले निरन्तर संघर्ष गर्दै आएका छन् । वर्तमान सरकारले २०७७ जेठ ३१ गते उक्त भूभागहरु समेटिएको नक्सा संसदबाट पास गरेको थियो ।
विप्लवले नक्सा जारी गरेर मात्रै नहुने बताउँदै उक्त भूभागहरु नेपालको प्रत्यक्ष स्वामित्वमा लिनका लागि अगाडि बढ्न आवश्यक रहेको उल्लेख गर्नुभएको छ ।
विप्लवले आम नागरिकलाई पनि सरकारको मुख नताकेर देशको सार्वभौमिकता र स्वाधिन्ताको पक्षमा हरदम जागरुक रहन अनुरोध समेत गर्नुभएको छ ।