पहिरोले ताप्लेजुङमा स्कुल बगायो

छाल खवर
३ असार, धरान । मंगलवार लगायत परेको वर्षाका कारण ताप्लेजुङमा एक विद्यालयको भवन पहिरोले बगाएको छ ।
पहिरोले फक्ताङलुङ गाउँपालिका–४ ईखावुस्थित रानी आधारभूत विद्यालय भवन बगाएको हो । मंगलबार राति गएको पहिरोले विद्यालयको चार कोठे भवन बगाएको प्रहरीले जनाएको छ ।
पहिरोले स्थानीयवासीका पशु चौपाया बगाउनुका साथै बालीनालीमा समेतमा क्षति पुगेको जिल्ला प्रहरी कार्यालय ताप्लेजुङका प्रहरी प्रमुख महेन्द्र श्रेष्ठले जानकारी दिएकाछन् । ।
पहिरो गएको क्षेत्रमा तापेथोक प्रहरी चौकिबाट प्रहरीको टोली गएको तथा पहिरोले पारेको क्षतिको विस्तृत वितरण भने आउन बाँकी रहेको जनाइएको छ ।