हतियार र विष्फोटक पदार्थ फेला

छाल खवर
धरान ६ असार ÷ भोजपुरमा विष्फोटक पदार्थ र हतियार फेला परेको छ ।
षडानन्द नगरपालिका–२ कुदाकाउलेको ताबुमा विस्फोटक पदार्थ फेला परेको हो ।
भोजपुर प्रहरीले दिएको जानकारी अनुसार एक थान कटुवा पेस्तोल र विष्फोटक पदार्थ बरामद गरेको छ ।
इलाका प्रहरी कार्यालय दिङलाबाट बिहिवार गस्तीमा खटिएको टोलीले सो स्थानमा रहेको बाँदर रुङने टहरोमा शङ्का लागि चेकजाँच गर्दा एक थान कटुवा पेस्तोल, एक थान सकेट बम र दुई थान डेटोनेटर बरामद गरेको इलाका प्रहरी कार्यालय दिंलाका प्रमुख तथा प्रहरी निरीक्षक भास्कर खतिवडाले जानकारी दिए ।
हतियार र विष्फोटक सामाग्री कसले र किन राखेको भन्ने विषयमा अनुसन्धान भईरहेको प्रहरीले जनाएको छ ।
प्रतिवन्दित नेपाल कम्युनिष्ट पार्टी नेत्र विक्रम चन्द्रको पार्टीको गतिविधि वढेकोले उनीहरुले नै राखेको हुन सक्ने प्रहरीको अनुमान रहेको छ ।