मकालुमा पहिरो, अरुण नदी आंशिक रुपमा थुनियो

छाल खवर
धरान,७ असार÷ संखुवासभाको मकालु गाउँपालिकाको २ वटा वडामा पहिरो झरेर अरुण नदीमा करिब ३ सय मिटर क्षेत्रमा पानी जमेर ड्याम बनेको छ ।
नदीमा पहिरो झरेर वडा नम्बर २ र ५ मा पर्ने बोयामफेदी भन्ने ठाउँबाट पहिरो झरेर अरुण नदीको केही भाग थुनिएको छ ।
पहिरोबाट अरुण नदी आंशिक रुपमा थुनिएको जिल्ला प्रहरी कार्यालय सङ्खुवासभाका प्रहरी नायब उपरीक्षक (डीएसपी) नवराज मल्लले बताएकाछन् ।
पहिरोले स्थानीय ललितबहादुर राई र उनका छोरा जयप्रकाश राईको सात जनाको परिवार विस्थापित भएको छ ।
ललितबहादुरको घरमाथिबाट झरेको
पहिरोको कारण स्थानीयहरु त्रसित बनेका छन् । अहिले पनि आंशिकरुपमा पहिरो झरिरहेको प्रहरीको भनाइ छ । घटनाको सम्पूर्ण विवरण आइ नसकेको जिल्ला प्रहरी कार्यालय सङ्खुवासभाका प्रनाउ मल्लको भनाइ छ ।
अरुण थुनिएपछि बहुचर्चित नौ सय मेगावाट क्षमताको अरुण तेस्रो आयोजनाको ड्याम साइड फ्याक्सिन्दा र पुखुवा आसपास क्षेत्रसमेत जोखिममा परेको छ ।