तापखोलामा पक्कि पुल वन्ने आसाले स्थानीयबासीमा खुशी

छाल खवर
धरान, ७ असारः खोटाङको केपिलासगढी गाउपालिका बास्पानी स्थित ताप खोलामा पक्की पुल निर्माण हुने भएको छ ।
शनिबार प्रदेश नम्बर–१ का सांसद राजन राईले शिलान्यास गर्नुभएपछि सो पुल वन्ने भएको हो ।
प्रदेश सरकार भौतिक पुर्वाधार विकास मन्त्रालय यातायात पुर्वाधार निर्देशनालय, पुर्वाधार विकास कार्यक्रम प्रदेश नम्बर १ नेपाल, उदयपुरको बजेटबाट ३५ मिटर लम्बाई र ८सय४० मिटर चौंडाई भएको मोटरेबल पुल निर्माण गर्न लागिएको हो । निर्माण कम्पनी रौता कन्ट्रक्सनले करिब ५ करोड ९० लाख लागतमा तापखोला पुल निर्माण गर्ने ठेक्का लिएको पुल २०७८ साल मंसिर ७ गते सम्पन्न गर्ने लक्ष्य लिएकोछ । गत जेठ ८ गते पुल निर्माणको सम्झौता भएपछी खार्मी र बाँसपानी जोड्ने मोटरेबल पुल निर्माण सुरु गरिएको हो ।
दिक्त्तेल माझुवागढी रुपाकोट नगरपालिका खार्मी र कोपिलासगढी गाउपालिकाका जनतालाई आवात जावतमा सहज हुने नेकपा खोटाङका सचिव रामप्रसाद दंगालले जानकारी दिनुभयो ।
पुल बनेपछि दुई पालिकाका जनताहररूलाई हिउँद बर्षा नै आवातजावतमा सहज हुने कुराले सबै खुशी छाएको सांसद राईको भनाई रहेको छ ।
विकास निर्माणमा सवैको महत्वपूर्ण भूमिका रहनुपर्नेमा सभाषद राईले जोडदिनु भएको छ ।