लागूऔषध कारोबारमा इन्स्पेक्टर पक्राउ

छाल खवर

धरान, ११ असार ः लागू औषध नियन्त्रणमा रहेको निकायले आफै कारोवारमा संलग्न भएको अनौठो घटना सार्वजनिक भएको छ ।

पक्राउ पर्नेमा प्रहरी निरीक्षक रुद्र शाही रहेको प्रहरीले जनाएको छ ।
लागूऔषध कारोबारमा संलग्न रहेको आशंकामा प्रहरी अधिकृत शाही पक्राउ परेका हुन ।
उनी ललितपुर प्रहरी परिसर, जावलाखेलमा कार्यरत थिए ।
लागूऔषध नियन्त्रण ब्युरोका एक अधिकृतले उनलाई नियन्त्रणमा लिइएको पुष्टि गरेका छन् ।
बुधवार पेप्सिकोलामा चलाइएको अपरेशनमा पक्राउ परेका व्यक्तिमाथि अनुसन्धान गर्दै जाँदा शाहीसम्म पुगेको प्रहरीको दावी रहेको छ ।
प्रहरीले बुधबार चलाएको अपरेशनमा ६ सय बोतल बढी औषधिजन्य लागूऔषध कोरेक्स बरामद गरेको थियो ।
ललितपुर प्रहरी प्रमुख एसएसपी टेकप्रसाद राईले पनि शाहीको विषयमा केही बुझ्नु पर्ने भनेर ब्युरोले भनेकाले पठाइएको
बताएका छन् ।