धरानमा दलितको सिट्टी आन्दोलन

छाल खवर
धरान, ११ असार ः जतिसुकै दवाव दिदापनि सरकार बहिरो भएर वसेकोले धरानका दलितहरुले सरकारलाई चनाखो वनाउन बुधवार सिटटी फुकेर विरोध गरेकाछन् । पश्चिम रूकुमको चौरजहारीमा भएको विभत्सपूर्ण घटना, अंगिरा पासीको बलात्कार पछि हत्या र शम्भु सदाको प्रहरी हिरासतमा भएको हत्या प्रकरणको विरोधमा संयुक्त दलित संघर्ष समिति धरानले बुधवार खबरदारी पूर्ण धर्ना दिएको हो ।
दलितको न्यायको लागि गुहार्दा सरकारको कान बन्द रहेको जस्तो भएपछी सिट्टी फुकेर सरकारलाइ खबरदारी गरिएको संयुक्त दलित संघर्ष समिति धरानका संयोजक गंगा कलिकोटेले बताउनु भयो ।
पश्चिम रूकुमको चौरजहारीमा नवराज बिक सहित ६ जनाको हत्यामा संलग्न दोषीलाई बिभिन्न राजनीतिक आडमा उन्मुक्ती दिन बिभिन्न बहाना बाजी गर्न थालेको हुनाले दोषीलाई हदैँ सम्मको सजायको माग राख्दै सिट्टी जुलुस गरेर सरकारलाइ खबरदरी गरिएको संयोजक कालिकोटेको भनाई रहेको छ । दलित अगुवा , बिभिन्न राजनीतिक दलका दलित नेताहरु , दलित अधिकारकर्मी , जनप्रतिनिधीहरु , २० ओटै वडाका दलित संघ संस्थाहरु र पत्रकारहरुको सहभागीता रहेको थियो ।