लकडाउन अवधिको सबै भाडा मिनाहा गर्न व्यवसायीको माग

छाल खवर
धरान, १३ असार ःसरकारले घरभाडा मिनाहा गर्न घरधनीलाई गरेको आग्रह कार्यान्वयन हुन सकेको छैन।
घरभाडाको निर्देशन कार्वान्वयन नभएको अवस्थामा नेपाल राष्ट्रिय व्यवसायी महासंघले लकडाउन अवधिभरको पूरै भाडा मिनाहा गर्न माग गरेको छ ।
लकडाउनमा पूरै सटर बन्द भएको र लकडाउनको मोडालिटी परिवर्तन भएपछि पनि व्यापार ठप्प रहेको भन्दै महासंघले शुक्रवार एक विज्ञप्ति प्रकाशित गरी लकडाउन अवधिभरको भाडा मिनाहा गर्न माग गरेको हो ।
महासंघका अध्यक्ष नरेश कटुवालले शुक्रबार जारी गरेको विज्ञप्तिमा ‘लामो समय लकडाउन भएको र लकडाउन केही सहज भइसकेपछि पनि व्यापार ठप्प भएका कारण सम्पूर्ण व्यवसायीहरु यतिबेला दैनिक गुजारा टार्नसमेत संकट खेप्नु पर्ने अवस्थामा पुगेको उल्लेख गरेकाछन् ।
महासंघले व्यवसायीहरु घरभाडा होइन दैनिक गुजारा टार्न समेत समस्यामा परिरहेको पनि उल्लेख गरेको छ ।
आम व्यवसायीहरुका लागि कोठा भाडा मुख्य चुनौतीको रुपमा रहेको जनाउदै केही दिनको मात्रै नभई लकडाउन अवधिभरको घरभाडा मिनाहा गर्नुपर्ने माग गरेको छ ।