काग्रेसका युवा नेता झुण्डिएको अवस्थामा फेला

धरान,१४ असार

छाल खवर
नेपाली कांग्रेसका युवा नेताले झुण्डिएर आत्महत्या गरेकाछन् ।
कांग्रेसका क्षेत्रीय सदस्य तथा प्रदेश सभाषद चन्द्रप्रसाद श्रेष्ठका स्वकीय सचिव समेत रहेका प्रताप भट्टराईले झुण्डिएर आत्महत्या गरेका हुन ।
धरान १४ नारायणपुरस्थित आफ्नै घरमा आइतवार बिहान उनले झुण्डिएर आत्महत्या गरेको प्रहरीले जनाएको छ । नेपाली कांग्रेस सुनसरी सचिव सुजेन्द्र तामाङले कोठाको पंखामा झुण्डिएको अवस्थामा भट्टराई फेला परेको वताए ।
आत्महत्या गर्नु पर्ने कुनै कारण नदेखिएको तामाङले वताए । मिजाशिला र सवैसाथीसंग मिल्ने स्वभावका भट्टराईले किन त्यस्तो गरे भनेर आफूहरु चकित परेको स्थानीयको भनाई रहेको छ ।
मृतक भट्टराईको श्रीमति र छोरी माइतीमा रहेकाछन् ।
धरानमा लड डाउनको समयमा मात्र आधा दर्जनभन्दा माथिले आत्महत्या गरेकाछन् ।