विराटचौकमा आगलागी, ६ जना घाइते

छाल खवर
धरान,१५ असार ःमोरङको सुन्दरहरैचा नगरपालिकामा आइतवार आगलागी हुदा ६जना स्थानीय घाइते भएकाछन् ।
वडा नं. १२ स्थित विराटचौकमा आगलागी हुदा उनीहरु घाइते भएकाहुन ।
विराटचौक स्थित पुर्वपश्चिम लोकमार्गको दक्षिणपट्टि रहेको अर्चना पोख्रेलले सञ्चालन गरेको पोख्रेल स्टाप होटल, रमेश डङ्गोलले सञ्चालन गरेको धनकुटे समिर स्टाप होटल र मन्दिरा न्यौपानेले सञ्चालन गरेको ए वान खाजा घरमा आगलागी भएको हो ।
आगलागीबाट टिनको छानो भएको ३ वटा घर पूर्णरूपमा जलेर नष्ट भएको छ । आगो निभाउने क्रममा ६ जना स्थानीय घाइते भएका छन् । उनीहरुको स्थानीय सुकुना सामुदायिक अस्पतालमा उपचार भै रहेको र गम्भीर घाईते खगेन्द्र प्रसाद लुईटेल, छत्र थापा र गोबिन्द अधिकारी तीन जनालाई थप उपचारको लागि नोबेल हस्पिटल पुर्याईएको स्थानीयवासी थर्कमान श्रेष्ठले जानकारीदिएकान ।
आगलागी के कारणले भएको भन्ने यकीन भै नसकेको, आगलागीबाट भएको क्षतिको विवरण आउन बाँकी छ । आगो सुन्दरहरैचा, बेलबारी, इटहरीकोे दमकल र स्थानियको सहायताबाट आगलागी नियन्त्रणमा लिएको छ ।