सभामुखद्धारा योजना अनुगमन

धरान–८स्थित खहरे खोलामा सञ्चालित योजना अनुगमन गर्दै प्रदेश नं १ का सभामुख प्रदिप कुमार भण्डारी , नेकपा धरान नगर अध्यक्ष नारायण सुवेदी,संगठन विभाग प्रमुख राजमणि निरौला र नेकपा खोटाङ जिल्ला कमिटी सचिव रामप्रसाद दंगाल ।तस्विर विनोद राई

भोला श्रेष्ठ
धरान,१९असार ः यतिवेला असारे योजनाका काम धमाधम भईरहेकोछ । स्थानीय सरकारले आगामी वर्षको वजेट समेत विनियोजन गरीसकेकाछन् । भने चालु आर्थिक वर्षको बजेटबाट विनियोजन गरीएको योजनाहरुको काम धमाधम सञ्चालन भईरहेकाछन् ।
प्रदेश नं. १ का सभामुख प्रदिप भण्डारीलेको आज भोलीको दैनिक दिनचर्या नै फेरीएको छ । उहा सदन सञ्चालन नभएको दिनमा धरानको स्थानीय निकायको विकासको अनुगमनमा व्यस्त रहने गर्नुभएको छ ।
धरान उहाको आफ्नो निर्वाचन क्षेत्रपनि हो । निर्वाचन विकास कोषबाट भइरहेका योजनाको अनुगमन र निर्देशनमा उहाको दैनिकी चलिरहेको छ । विकास निर्माणको काममा ढिलासुस्ती नहोस र समयमै योजना सम्पन्न होस र जनताले समयमै सुविधा उपभोग गर्न सकुन भन्ने आफ्नो चाहाना र धारण रहेको उहाको भनाई रहेको छ ।
सदनको छलफल बाहेकको दिनमा उहा विकासका योजनाहरुको अनुगमनमा सकृयतापूर्वक लाग्ने गर्नुभएको छ । योजनाका कामहरु कति भइसक्यो कति हुन बाकी रहेको छ । अवस्था कस्तो छ भन्ने वास्ताविकता थाहा पाउन पनि अनुगमनले थप सहयोग पुग्ने उहाको भनाई छ ।
उहाले शुक्रबार धरानमा प्रदेश पूर्वाधार विकास कार्यरीक्रम अन्तर्गत भईरहेको विभिन्न विकास निमार्ण कार्यहरूको निरिक्षण गर्नुभएको थियो ।
उहा कै पहलमा सञ्चालित धरान ८, ९ र १२ नं.वडाको खहरे खोला नियन्त्रणका लागिु काम भइरहेको तटवन्ध क्षेत्रको अनुुगमन गर्नुभएको थियो । त्यसैगरी देविगाँउको मुना क्लवको भवनको अनुगमन गर्नुभएको थियो । त्यो क्लवको भवन निर्माणले त्यसक्षेत्रको सामाजिक,क्षेत्रमा ठूलो मद्धत पुगेको स्थानीय वासिन्दा तथा ४ नं वडायो भवनमा संघ संस्थाको साधारण सभा,वैठक,विहे लगायतका कार्य गर्नका लागि समेत सहज भएको  जनप्रतिनिधि धनकुमार राईले वताउनु भयो ।
त्यसैगरी काठेपुलको पूर्वी भागबाट देविगाँउ सिरानसम्मको पक्कि सडक र भृकुटि पाखा धरान ३ मा आरसिसि ढलान बाटोको निर्माण भइरहेको पनि अनुगमन गर्नुभएको थियो ।
सभामुख भण्डारीले निर्माण कार्य योजना अनुसार भइरहेको बताउँदै समयमा नै योजनाहरू पुरा गर्नका लागी आग्रह गरेका गर्नुभएको थियो । निर्माणको क्रममा कुनै पनि समस्या भए प्रदेश सरकारबाट पूर्ण सहयोग हुने समेत उनले विश्वास दिलाउन भएको छ ।