अध्यक्षलाई कुटपिट गर्ने युवक पक्राउ

छाल खवर
साउन, २ धरान ः मोरङको केरावारी गाउँपालिकाका अध्यक्ष रोहित कार्कीलाई कुटपिट गर्ने एकजना युवालाई प्रहरीले पक्राउ गरेको छ ।

पक्राउ पर्नेमा सोही गाउपालिका वडा नं. १० का ३२ वर्षिय भवन ठकुरी रहेको प्रहरीले जनाएको छ ।
शुक्रबार बिहान साढे ११ बजेको समयमा गाउँपालिकाको कार्यालयमा ठेक्कापट्टाको बिषयलाई लिएर भवनले अध्यक्षमाथि कुटपिट गरेका थिए ।

ठकुरीको साथबाट एक थान चक्कु र एक थान खुकुरीसमेत बरामद भएको प्रहरीले जनाएको छ। कुटपिटबाट घाईते भएका अध्यक्ष कार्कीको नोवेल अस्पताल विराटनगरमा उपचार भइरहेको प्रहरीले जनाएको छ।
घटनाका सम्बन्धमा थप अनुसन्धान भइरहेको ईलाका प्रहरी कार्यालय बेलवारी मोरङले जनाएको छ।