लकडाउन अन्त्य गर्ने सरकारको निर्णय यी क्षेत्रमा भने प्रतिबन्ध कायमै

छाल खवर
साउन,६ काठमाडौं ः सरकारले मंगलबार मध्यरातिबाट लकडाउन खुल्ला गर्ने निर्णय गरेको छ।गत चैत ११ गतेबाट जारी गरेको लकडाउन खुल्ला गर्ने निर्णय सरकारले गरेको हो ।

बुधवारबाट लागू हुने गरी लकडाउन खुल्ला गर्ने निर्णय गरे पनि भीडभाड हुने क्षेत्रहरु भने वन्द नै गर्ने निर्णय गरेको छ ।
सरकारले आमनागरिकमा परेको मनोवैज्ञानिक त्रास कम गर्न लकडाउन खुल्ला गर्ने निर्णय गरेको सरकारका प्रवक्ता डा।युवराज खतिवडाले बताए।लकडाउन खुले पनि अवस्था हेरेर निषेधित क्षेत्र घोषणा गर्न सकिने उनले बताए।

यस्तै भदौ १ गतेबाट लामो दुरीका सवारीसाधन तथा राष्ट्रिय र अन्तर्राष्ट्रिय हवाई उडान पनि सञ्चालन गर्ने, अन्तर्राष्ट्रिय सीमानाकामा साउन ३२ गतेसम्म आवतजावत बन्द गरिएको छ ।

यस्तै शैक्षिक संस्था बन्द रहे पनि विद्यार्थी भर्ना परीक्षाफल प्रकाशनका काम भदौ १ गतेबाट गर्न सकिने निर्णय भएको उनले बताए।

सरकारले साउन १५ गतेबाट होटल, रेष्टुरेण्ट, ट्राभल र ट्रेकिङ एजेन्सी र पर्वतारोहणसम्बन्धी कार्यालयहरु खुल्ला गर्ने निर्णय गरेको छ भने सेमिनार र भेला भने गर्न पाइने छैन ।

वन्द रहने क्षेत्रहरु

सरकारले शैक्षिक संस्था, धार्मिक तथा सामाजिक स्थलहरु, ट्युसन सेन्टर, सिनेमा हल, डान्सबार, सैलुन ब्युटीपार्लर, स्वीमिङ पुल लगायतका क्षेत्र अर्को निर्णय नभएसम्मका लागि बन्द नै राख्ने निर्णय गरेको छ ।