धरानमा थपिए २ कोरोना संक्रमित

छाल खवर
धरान,२० साउन ः धरानमा दुई जना कोरोना संक्रमित थपिएको छन् । धरान १५ को संक्रमितको ४३ वर्षिय भाई र धरान १ निवासी २० वर्षिय पुरूष रहेका छन ।

उनिहरूमा संक्रमण पुष्टि भएको धरान उपमहानगरपालिकाका स्वास्थ्य महाशाखा प्रमुख उमेश मेहताले जानकारी दिएकाछन् ।

मेहताका अनुसार मंगलवार रिपोर्ट पोजेटिभ आएका धरान १५ को संक्रमितको भाई रहेको र साउन १६ गते दाईसँगै स्वाब संकलन गरिएकोमा उनको रिपोर्ट भने होल्डमा रहेको थियो । उनको भाउजु, भतिज र भतिजिको रिपोर्ट भने नेगेटिभ आइसकेको मेहताको भनाई रहेको छ ।

मेहताका अनुसार धरान १ को संक्रमितको हिजो विपी कोइराला स्वास्थ विज्ञान प्रतिष्ठानमा स्वाब लिइएको र मंगलवार रिपोर्ट पोजिटिभ आएको हो ।

उनिहरूलाई वीपी लैजान आवश्यक तयारी भइरहेको उनले बताए । धरानमा कुल संक्रमित संख्या २८ पुगेको छ ।