नेकपा (माओवादी) पार्टीको घोषणा संगठनलाई देशभर फैलाउने

छाल खवर
काठमाडौं,२० साउनः नेकपा एमाले दर्ता भएको करिव एक महिना पुग्न नपाउदै पूर्व माओवादी केन्द्रका सचिवालय सदस्यले पुर्न अर्को पार्टी गठनको घोषणा गरेकाछन् ।

पूर्व माओवादी केन्द्रका सचिवालय सदस्य जुनेल जिसीले आफ्नो नेतृत्वमा ३१ सदस्यीय नेकपा (माओवादी) पार्टी केन्द्रीय कमिटी निर्माणको घोषणा गरेकाछन् ।

रफत सञ्चार क्लब भक्तपुरमा मंगलवार पत्रकार सम्मेलनको आयोजना गरी जनयुद्ध र जनभावनाको मुद्दा सत्तारुढ दल नेकपाले बोक्न नसकेकोले नेकपा माओवादी पुनर्गठन भएको घोषणा गरिएको नव गठित पार्टीका संयोक जिसीले वताएकाछन् ।

पत्रकार सम्मेलनमा उनले पुष्पकमल दाहालको नेतृत्वमा जनयुद्धदेखि नै नेकपा माओवादी, माओवादी केन्द्र हुँदै नेकपामा आइपुग्दा पनि पार्टी जनताको पक्षमा भन्दापनि सत्ताको वरिपरि मात्रै घुमेको आरोप समेत लगाए । उनले देशको समृद्धि, विकास, राजनीतिक निकास नेकपाबाट नहुने ठोकुवा समेत गरेका थिए ।

उनले तत्कालीन नेकपा (माओवादी) मा रहेर काम गरेका नेता तथा कार्यकर्ता सङ्गठित भई पुरानो पार्टीलाई ब्युझाउनु परेको भनाइ थियो ।

पत्रकार सम्मेलनमा नवगठित पार्टीका उपाध्यक्ष एवं प्रवक्ता डेनिस सिंहले आर्थिक सामाजिक रुपान्तरण र सर्वाहारा वर्गको मागलाई नेकपाले उपेक्षा गरेपछि आफूहरुले नेकपा (माओवादी) घोषणा गर्न बाध्य भएको दावी गरेकाछन् ।

प्रवत्ता सिंहले अव देशभर संगठनलाई तिव्रता दिने समेत जानकारी दिएकाछन् । उनले वैकल्पिक शक्तिको रुपमा आफ्नो पार्टी स्थापित हुने ठोकुवा समेत गरेकाछन्