अनियमितता वारे छानविन गर्न समिति गठन

विराटचोक,२२ साउनः मोरङको सुन्दर हरैचा नगरपालिकामा निर्माणाधिन जेष्ठ नागरिक भवन निर्माणमा अनियमितताको भएको भन्दै छानविन समिति गठन भएको छ ।

नगरपालिकाको वडा नं.–३ मा बनेको भवनमा आर्थिक अनियमितता भएको भन्दै स्थानियवासीले विरोध गरे पछि नगरपालिकाले छानविन गर्न समिति समेत गठन गरेको छ ।

नगरप्रमुख शिवप्रसाद ढकालले पत्रकार सम्मेलनको आयोजना गरी अनियमितता छानविन गर्ने बताएकाछन् ।
छानविन गर्न नगरपालिकाको तर्फबाट चार सदस्य सहितको प्राविधिक टोलीको छानविन समिती निर्माण भएको उनले बताए ।

भवन निर्माणमा अनियमितता भएको विषयमा चर्को विरोध भएपछि निर्माण कम्पनिको भुक्तानी रकम रोकिएको थियो । भवन निर्माणको काम सुनसरीको दुहबीमा रहेको सावाना निर्माण सेवा कम्पनिले पाएको थियो ।

नगरपालिकाले भवन निर्माण गर्नका लागि २८ लाख बराबरको रकम विनियोजन गरेको थियो । निर्माण कम्पनीले हाल २१र२२ लाख बराबरको रकम निकासा गर्न नगरपालिकालाई पत्र पठाएपछि अनियमितताको बाहिर आएको थियो ।