देउवाद्धारा १२ विभागमा ४५७ जनाको मनोनयन महाधिवेशनलाई प्रभाव पार्न खोजेको पौडेल पक्षको आरोप

छाल खवर
धरान,२७ साउन ः नेपाली कांग्रेसका सभापति शेरबहादुर देउवाले पार्टीमा १२ विभागहरुमा विभिन्न पदहरुमा मनोनयन गरेकाछन् ।

देउवाले उपप्रमुख, सचिव तथा सदस्यहरु सहित ४ सय ५७ जनालाई मनोनयन गरेका हुन् ।
पार्टीका वरिष्ठ नेता रामचन्द्र पौडेल नेतृत्वको असन्तुष्ट पक्षले पार्टी सभापतिलाई एकलौटी नियुक्ति रोक्न माग गरिरहेका बेला सभापतिले ठूलो संख्यामा थप नियुक्ति गरेका हुन् ।

पार्टीका मुख्य सचिव कृष्णप्रसाद पौडेलद्धारा आइतबार राति जारी विज्ञप्तिमा देउवाले नेपाली कांग्रेसको विधान, २०१७ (संशोधन सहित) को धारा २५ ।९ बमोजिम आइतबार नेपाली कांग्रेस केन्द्रीय विभागहरुमा उपप्रमुख, सचिव, सदस्यहरु मनोनयन गरिएको जनाएका छन् ।

कांग्रेसले विधान संशोधन गरेर विभागहरुको संख्या ४७ पुर्याएको छ । यता पौडेल पक्षले भने आगामी महाधिवेशनलाई प्रभाव पार्ने उदेश्यले मनोनयन गरीएको भन्दै विरोध जनाउदै आएको छ ।

पौडलले जति विरोध गरेपनि देउवाले मनोनयनलाई तिव्रता दिदै आएकाछन् ।महाधिवेशनमा आफ्नो पक्ष बलियो वनाउन र फकाउन मनोनयनलाई तिव्रता दिदै आएको पौडेल पक्षको आरोप रहेको छ ।