पत्रकार बानियाँको निधनबारे छानबिन गर्न पत्रकार महासंघको माग

छाल खवर
काठमाडौं, २८ साउन ः नेपाल पत्रकार महासंघ केन्द्रीय समितिले पत्रकार बलराम बानियाँको रहस्यमय ढंगले भएको निधनबारे गहिरो छानविन गरी सत्यतथ्य सार्वजनिक गर्न सरकारसँग माग गरेको छ।

बुधबार महासंघले विज्ञप्ति जारी गर्दै पत्रकार बलराम बानियाँको दुःखद निधनले महासंघ स्तब्ध भएको जनाएको छ।
महासंघले बानियाँको रहस्यमय ढंगले भएको निधनबारे गहिरो छानविन गरी सत्यतथ्य सार्वजनिक गर्न सरकारसंग माग गरेको छ ।

महासंघका पूर्व केन्द्रीय सचिव समेत रहेका बानियाँको दुःखद निधनले नेपाल पत्रकार महासंघ स्तब्ध भएको भन्‍दै शोक सन्तप्त परिवारजनप्रति गहिरो समवेदना समेत व्यक्त गरेको छ।

तनहुँ स्थायी घर भएका पत्रकार बानियाँका श्रीमती, एक छोरा र एक छोरी छन्। लामो समयदेखि कान्तिपुर दैनिकमा काम गरेका बानियाँले नागरिक दैनिकमा पनि काम गरेका थिए।

केही दिन अघि सम्पर्क विहिन भएका वानिया बुधवार विहान मृत फेला परेका थिए ।