इटहरीका वडा नम्बर ६ र ९ सिल

छाल खवर
धरान,८ भदौ ःवडामा कोरोना संक्रमितको संख्या बढन थालेपछि इटहरीको दुइवटा वडा सिल गरीएको छ ।

संक्रमण वढन थालेको भन्दै इटहरीको वडा नम्वर ६ र ९ वडालाई सिल गर्ने निर्णय गरिएको हो ।

वडा नम्वर ६ र ९ मा कोरोना संक्रमितहरुको संख्या बढिरहेकाले सिल गर्ने निर्णय गरिएको वडा नम्वर ६ का वडाध्यक्ष दिपक गौतमले बताए ।

दुवै वडालाई भदौ १४ गतेसम्म सिल गरिएको वडा नम्वर ९ का अध्यक्ष भुपेन्द्र वरालले जानकारी दिएकाछन् ।

बरालका अनुसार शिल गरीएका वडाहरुमा अतिआवश्य सेवा र पसल वाहेक सवै सेवा र हिडडुल गर्न पूर्ण रुपमा वन्द गर्ने निर्णय भएको छ ।

इटहरी उपमहानगरका नगरप्रमुख द्धारिकलाल चौधरीको अध्यक्षतामा प्रमुख जिल्ला अधिकारी र प्रहरी प्रमुख समेतको उपस्थितिमा भएको वैठकले यस्तो निर्णय गरेको हो ।

इटहरी उपमहानगरका जनस्वास्थ्य निरीक्षक घनश्याम सिग्देलका अनुसार वडा नम्वर ६ मा १० जना र वडा नम्वर ९ मा ८ जना संक्रमित रहेकाछन् ।

यसैगरि, वैठकले इटहरी ९ स्थित रंगशालामा आइसोलेसन निर्माणका लागि आवश्यक पहल कदमी गर्ने निर्णय गरिएको छ । यसैगरी आइसोलेसन निर्माणमा सहयोग गर्न सम्वन्धित मन्त्रालय र निकायहरु सँग आब्हान गरिएको छ ।