भदौ १७ गतेसम्म धरानमा लकडाउन विहान १० बजेसम्म पसल खोल्न पाउने

छाल खवर
धरान,१० भदौ ः धरान उपमहानगरपालिकाको कार्यपालिका वैठकले एकसाता लकडाउनको समय थप्ने निर्णय गरेको छ ।

नगरपालिकाको आज विहान वसेको वैठकले भदौ १७ गतेसम्म लकडाउनको समय थप गर्ने निर्णय गरेको हो ।

समुदायमा कोरोना संक्रमणको जोखिम अझै कम नभएको निष्कर्ष सहित धरानमा एक सातालाई लकडाउन थप गर्ने निर्णय भएको कार्यपालिका सदस्य ९ नं. वडाका वडाध्यक्ष रत्न कट्वालले जानकारी दिनुभयो ।

यस अघि घोषणा गरेको लकडाउनको समय आज राति १२ देखि सकिदै गरेको अवस्थामा वैठकले लकडाउन भदौ १७ गते मध्यराती १२ बजेसम्म थप गर्ने निर्णय गरेको हो ।

वैठकले यस अघि विहान ८ वजेसम्म खोल्न दिने गरेको निर्णयलाई परिवर्तन गर्दै खाद्यान्न तथा सागसब्जीको पसल बिहान १० बजेसम्म खोल्न दिने गरी २ घण्टा समय थप गरेको छ ।

धरानमा दैनिक जस्तो कोरोना संक्रमितहरु फेला पर्न थालेपछि धरानमा लकडाउनमा कडाई गरीने भएको छ ।