नेकपा सचिवालय बैठक पाच दिनका लागि स्थगित

छाल खवर
काठमाडौ,१२ भदौ ः शनिवार वस्ने भनिएको नेपाल कम्युनिस्ट पार्टी (नेकपा) को सचिवालय बैठक पाच दिनका लागि स्थगित भएको छ ।

सचिवालय सदस्य समेत रहेका उपप्रधानमन्त्री तथा रक्षामन्त्री ईश्वर पोखरेल र गृहमन्त्री रामबहादुर थापा बादल आइसोलेसनमा बस्नुपर्ने भएकाले भोलि शनिबारको बैठक पाच दिनका लागि स्थगित गरिएको हो ।

स्थगित बैठक भदौ १८ गते वस्ने तय गरीएको छ ।

नेकपाका अध्यक्षद्धय केपी ओली र पुष्पकमल दाहाल ‘प्रचण्ड’बीच छलफलपछि बैठकलाई पाँच दिन पर धकेलिएको हुन ।

गत मंगलबार प्रधानमन्त्री निवास बालुवाटारमा भएको छलफलमा अध्यक्षद्धयले शनिबार सचिवालय बैठक बस्ने निर्णय गरेका थिए ।

बैठकमा पार्टीको विवाद समाधानका लागि कार्यदलले बुझाएको प्रतिवेदन लगायतका विषयमा छलफल गर्ने तयारी थियो ।

सो कार्यदलले अ‍ोलीले पूरा कार्यकाल सरकारको नेतृत्व गर्ने, पार्टी सञ्चालन प्रचण्डले गर्ने, पार्टीको महाधिवेशन आगामी चैत्र महिनामा गर्ने लगायतका सुझाव दिएको थियो ।

सुझाव कार्यदलको वुझाएको प्रतिवेदन माथि छलफल गरेर पार्टीको विवाद समाधान गर्ने अपेक्षा गरीएको थियो ।