निशेधाज्ञालाई थप कडा बनाउने धनकुटाको निर्णय

छाल खवर
धरान,१४ भदौ ः जिल्लामा समूदाय स्तरमा कोरोना भाईरसको संक्रमण फैलिएपछि धनकुटा जिल्ला प्रशासन कार्यालयले लकडाउन थप कडा वनाउने भएको छ ।

आइतवार राती १२ बजे देखी १७ गते राती १२ बजेसम्म निशेधाज्ञालाई थप कडा बनाउने निर्णय गर्दै लकडाउन कडा वनाउने निर्णय गरीएको हो ।

धनकुटाका प्रमुख जिल्ला अधिकारी एवम् डिसीसीएमसीका अध्यक्ष केशव प्रसाद बिमलीको अध्यक्षतमा वसेको बैठकले कोरोना संक्रमितको पिसिआर नमूनाको रिर्पोट नआएसम्म तीन दिन जिल्लाभरी नै निषेधाज्ञ कडा बनाई लागु गर्ने निर्णय गरेको जिल्ला प्रशासन कार्यालय धनकुटाका सहायक प्रमुख जिल्ला अधिकारी भोजराज श्रेष्ठले जानकारी दिनुभएको छ ।

धनकुटाका औषधि पसल वाहेक दैनिक उपभोग्य सामाग्रीका पसलहरु अव दिनको एक पटक मात्र खोल्न पाईने भएको छ ।

दैनिक उपभोग्य तथा अत्यावाश्यक सामाग्रीका पसल विहान ७ बजे देखी १० बजेसम्म एक पटक मात्र खुल्ला गर्ने निर्णय गरेको धनकुटा उद्योग बाणिज्य संघका अध्यक्ष विजय सन्तोषी राईले जानकारी दिनुभयो ।