रक्सीको सुरमा आमाको हत्या

छाल खवर
धरान,२९ भदौ ः झापामा एक युवाले रक्सीको नसाको सुरमा आफ्नै आमाको हत्या गरेकाछन् ।

कमल गाउँपालिका–८ ठुलो बाह्रघरेका २४ वर्षिय दिनेश ऋषिदेवले आफ्नै आमाको हत्या गरेको जिल्ला प्रहरी कार्यालय झापाले जनाएको छ ।

मदिरा सेवन गरेर आएका दिनेशले आमासँग विवाद भएपछि बञ्चरो प्रहार गर्दा आमाको घटनास्थलमै ज्यान गएको इलाका प्रहरी कार्यालय दमकका प्रहरी नायब उपरीक्षक विजयराज पण्डितले वताए ।

नसाको सुरमा दिनेशले आमामाथि अन्धधुन्ध हतियार प्रहार गरेको वडाध्यक्ष पृथ्वीपति राईले जानकारी दिए। हत्या गर्ने छोरालाई गाउँलेले नियन्त्रणमा लिएर प्रहरीमा बुझाएका थिए ।

प्रहरीले अभियुक्तलाई नियन्त्रणमा लिएर आवश्यक अनुसन्धान शुरु गरेको प्रहरी नायव उपरीक्षक पण्डितले वताए ।