एउटै घरमा डेरा वस्ने ६ परिवारका १३ जनलाई कोरोना संक्रमण

छाल खवर
धरान,२९ भदौ ः धरान–१६ मा आइतवार साँझ एउटै घरमा बस्ने १३ जनामा कोरोना सङ्क्रमण पुष्टि भएको छ ।

धरान १६ का कोरोना संक्रमित ७८ वर्षीय श्रीमान् र ७० बर्षीया श्रीमतीको क्लोज कनट्र्याक्टमा रहेकाहरू र उनीहरूकै घरमा भाडामा बस्ने ६ परिवारका १३ जनामा कोरोना सङ्क्रमण पुष्टि भएको हो ।

श्रेष्ठ दम्पतीको धरान १६ मा रहेको २ वटा घरमा भाडामा बस्नेहरू १२ बर्षीया बालिका देखि ५७ बर्षीया सम्मलाई कोरोना सङ्क्रमण भएको स्वास्थ्य महाशाखाले जनाएको छ ।

धरान उपमहानगरपालिकाका स्वास्थ्य महाशाखा प्रमुख उमेश मेहेताले दिएको जानकारी अनुसार एउटै घरमा डेरा गरी वस्ने ६ परिवारका १३ जना रहेका छन् । संक्रमित हुनेमा ४५,२९,२९, १४,१७,१२,५७,३२ र ३८ बर्षीया महिला, ५३,२४,५४ र २७ वर्षीय पुरुष गरी १३ जना रहेका छन् ।

श्रेष्ठ दम्पतीमा कोरोना सङ्क्रमण पुष्टि भएपछि उनीहरूको कनट्र्याक्ट ट्रेसिङकाहरु र एन्फा क्वारेनटाइनमा रहेका ९७ जनाको स्वाब लिइएको मध्ये १३ जनाको कोरोना पोजेटिभ रिपोर्ट आएको मेहताले जानकारी दिएकाछन् ।

उनीहरुलाई होम आइसुलेसनमा नै राखिने १६ नं. वडाध्यक्ष दिलकुमार गिरीले जानकारी दिनुभयो ।

धरानमा एकै परिवारमा यतिका संख्यामा संक्रमण भएको यो पहिलो हो । धरानमा हालसम्म ३ सय २४ जना संक्रमित भइसकेकाछन् ।