प्रदेशसभा भवन सिलान्यास

छाल खवर
धरान,१ असोज ः मोरङको विराटनगरमा प्रदेश १ को प्रदेश सभा भवनको एक कार्यक्रमका विच शिलान्याश भएको छ ।

प्रदेश सभा गठन भएको अढाई वर्षपछि बिहीबार प्रदेश राजधानी विराटनगरमा प्रदेश १ को प्रदेशसभा भवनको सिलान्यास गरिएको हो ।

जिल्ला समन्वय समिति मोरङको भवनबाट प्रदेशसभा सञ्चालन हुदै आएको छ । स्थायी राजधानी अन्यत्र सार्ने विषयमा चर्चा चलेपनि रभवन सिलान्यास भएर निर्माणको काम सुरु हुने भएपछि विराटनगरबाट प्रदेशसभा सर्ने सम्भावना करिव अन्त्य भएको छ ।

प्रदेश सभाको भवन हाल सञ्चालन भएको समितिकै क्षेत्रमा निर्माण हुने भएको छ ।

प्रदेशको राजधानी घोषणाका लागि धरान,धनकुटा,इटहरी,इनरुवा गोठगाउ लगायतका क्षेत्रमा आन्दोलन समेत भएको थियो सो समयमा प्रदेश १ को राजधानी तोक्दा स्थायी राजधानी विराटनगर भए पनि वृहत विराट क्षेत्र घोषणा गरेर विराटनगर बाहिर राजधानीको संरचना निर्माण गर्ने नेताहरुले आस्वासन दिएका थिए ।

प्रदेश सरकारले उक्त भवन निर्माणको लागि पाँच करोड रुपैयाँ विनियोजन गरेको मध्येबाट २ करोड ५१ लाख ८१ हजार ९७६ रुपैयाँ ठेक्का लागेको छ ।

ठेक्का लागेपछि बिहीबार प्रदेश १ का सभामुख प्रदीपकुमार भण्डारीले भवनको सिलान्यास गर्नुभएको छ ।

प्रदेश सरकारका प्रवक्ता एवं आन्तरिक मामिला तथा कानुनमन्त्री हिक्मतकुमार कार्कीले आफ्नै लगानीमा सरकारले आफ्नो पहिलो संरचना निर्माण गर्न लागेको जानकारी दिए ।

सो भवन निर्माणका लागि धरानको स्वामी नारायण निर्माण सेवा कम्पनीले ठेक्का पाएको छ ।