उपमेयरको गीत घाम लाग्यो घमाइलो बुधवारबाट दर्शक माझ

छाल खवर
धरान,१८ असोज ःचलचित्र निर्माता तथा निर्देशक भिम लामाको निर्देशनमा बन्न लागेको चलचित्र (महानायक)को यो दशै गीत बुधवारबाट स्रोत माझ बजारमा आउने भएको छ ।

द पिक स्टुडियो काठमाडौमा रेकर्डिङ भएको सो गीत श्रोताहरुको मागलाई मध्यनजर गर्दै दुई तीन दिन भित्रै (घाम लाग्यो घमाइलो) गीत बजारमा ल्याइने निर्देशक भीम लामाले जानकारी दिएकाछन् ।

बेलबारी नगरपालिकाकी उपमेयर तारा पराजुलीद्धारा लिखित (घाम लाग्यो घमाइलो)गीत रेकर्डिङ द पिक स्टुडियो काठमाडौमा रेकर्ड भएको छ ।

सो गितमा बेलबारीका गायक पहिलो बेलबारी आइडल विवेश मोते र रचना रिमालले स्वर दिएकाछन् । मोते र रिमाल दुवै सो क्षेत्रको संभावना वोकेका गायक गायिका हुन्।

श्रोताहरुको भरपुर माया पाउनेमा आफू विस्वस्त रहेको उपमेयर पराजुलीले वताएकीछिन् । गीतलाई एरेन्जर राजवाहकले एरेन्ज गरेका छन्।

सारा नेपालीहरु विगत ७ महिना देखि कोरोना माहामारीबाट प्रभावित भएर घर घरमा वसेर मानसीक विरामी जस्तो अवस्था रहेकोले यो गीतले सवैलाई हषोल्लास र पूर्ण मनोरन्जन दिने महानायका निर्देशक भीम लामाको भनाई रहेको छ । सम्पूर्ण तयारी भईसकेकोले वुधवारबाट दर्शक माझ आउने लामाले जानकारी दिएकाछन् ।

गीतले स्रोताहरुलाई भरपूर मनोरञ्जन दिनुका साथै विगत सात महिना देखि कुन्ठित भएर रहेको मनलाई एकाग्रह वनाउदै मनोरञ्जन दिनेमा आफू विस्वस्त रहेको लामाको दावी रहेको छ ।